Кембридж университеті оқытушылары Атырау университетінде

11 мамырда Х. Досмұхамедов атындағы  Атырау мемлекеттік  университетінде Кембридж университеті Білім беру факультетінің оқытушылары мен «Педагогикалық шеберлік орталығы» және  Атырау университетінің профессор-оқытушылар құрамымен әдістемелік, тәлімгерлік көмек көрсету аясындағы кездесу өтті.

Кездесуге Кембридж университеті Білім беру факультетінің аға оқытушысы, PhD, доктор Саймон Браунхилл, аға оқытушы Джен Скофилд, педагогикалық шеберлік орталығының аға менеджерлері Наурызбек Есбосынов пен Анаргүл Сапаровалар келді.

Басқосуды Атырау мемлекеттік университетінің ғылым жөніндегі проректоры, педагогика ғылымдарының кандидаты Саламат Идрисов құттықтау сөзімен ашып, жүргізіп отырды. Осы кездесу аясында Психология және арнайы білім беру кафедрасының аға оқытушысы Айжан Каженбаева мен шет тілін оқыту әдістемесі кафедрасының аға оқытушысы Ақмарал Теміртасовалар сабақ өткізудің әдіс-тәсілдерімен бөлісті.

Жалпы Қазақстан Республикасы педагогикалық қызметкерлерінің біліктілігін арттырудың деңгейлі бағдарламасы негізінде дайындаған педагогикалық кадрларды даярлайтын ЖОО профессор-оқытушылары құрамы қатарынан тренерлерді оқыту бағдарламасы бойынша 3 сатыдан тұратын курстан 2014-2015 оқу жылынан бастап қазіргі уақытқа дейін Атырау университетінің 27 оқытушысы өтіп, оның ішінде 4 оқытушы орта білім мазмұнын жаңарту шеңберінде бастауыш сынып пәндері бойынша өтіп, Кембридж университетінің Білім беру факультетінің сарапшылары Фэй Тернер, Сайман Браунхил, Джэн Шофилд, Николас Кинлах, Майкл Форда сынды сарапшылардан біліктілігін арттырған болатын. 

ПІКІРЛЕР

Тізімге қайта оралу

Хабарландыру!

9 Июл 2020 42