Облыстық ғылыми-практикалық конференция ұйымдастырылды
8 шілдеде Атырау облысы ішкі саясат басқармасының "Қоғамдық келісім" коммуналдық мемлекеттік мекемесі "Джида" мейрамханасының конференц-залында "Тұңғыш Президент жолымен. Көп мәдениетті аймақ жағдайында азаматтық бірегейлікті қалыптастыру технологиясы" облыстық ғылыми-практикалық конференция ұйымдастырды.
Конференцияның мақсаты - еліміздің Тұңғыш Президенті Нұрсұлтан Назарбаевтың реформатор және қазіргі заманның саяси көшбасшысы ретіндегі көпқырлы қызметінің ауқымын ашу.
Конференция модераторы - Х.Досмұхамедов атындағы Атырау университетінің Жастар саясаты департаментінің жетекші маманы, магистр, облыстық ҚХА ғылыми-сараптама тобының мүшесі Азамат Имандосов.
Конференция жұмысына этномәдени бірлестіктер мен қоғамдық құрылымдар, облыстық Қазақстан халқы Ассамблеясының ардагерлері мен жастары, ғылыми қоғамдастықтың, атқарушы органдардың, үкіметтік емес бірлестіктердің және Атырау облысының БАҚ өкілдері қатысты.
Х.Б.Табылдиев атындағы Каспий маңы өңірінің тарих, археология және этнология ғылыми - зерттеу институтының директоры, тарих ғылымдарының докторы, профессор Сайполла Сапанов және Жастармен жұмыс және әлеуметтік мәселелер жөніндегі бөлім басшысы Абылай Құрметұлы өз баяндамаларын елдің әлеуметтік-саяси жаңғыруындағы Н.Ә.Назарбаевтың рөлін, Астана күнін мерекелеудің ерекше мәні мен терең нышанын, оның берік дәстүрлерін және халықтың мызғымас бірлігін бейнелейтін құндылықтарды талқылауға арнады.
Облыстық ҚХА ардагерлері Қ.Ризуанов, Л. Монастырская, В. Стамов, З. Бобохидзе, Х.Жамалетдинов Тұңғыш Президент - Елбасымен жеке кездесулері, Астананың дамуы мен қалыптасуының түрлі кезеңдері туралы естеліктерімен бөлісті.
Этномәдени бірлестіктердің жетекшілері В.Заверткин, К.Бекмұратов, облыстық ҚХА қоғамдық құрылымдарының белсенділері, "Қоғамдық келісім" КММ сарапшылары Ж.Асабаева, Г.Жармұхамбетова және т.б. жалпыазаматтық бірегейлік негізінде этностардың өзара ықпалдасуының жай-күйі туралы пікір, жас қазақстандықтардың азаматтық бірегейлігін қалыптастыру жұмысының өзара тәжірибелерімен алмасты.
Қорытындылай келе, ҚМУ басшысы Ж.Ілиясова конференция ҚХА - ның 4 базалық жобасының бірі - "Қазақстандық азаматтық бірегейлікті қалыптастыру" аясында өткізілгенін атап өтті. Этносаралық және конфессияаралық келісімнің табысты моделінің негізін қалаушы Н.Ә.Назарбаевтың тұлғасы – өз халқына қалтқысыз қызмет етудің жарқын мысалы, патриотизмнің үлгісі. Халықтың жасампаз күшінің нышаны-әсем Астанамыз Нұр-сұлтан. Қоғамның бірлігі әрбір азаматтың жеке дамуына нұқсан келтірмейді. Себебі, азаматтық келісім мен бейбітшілік қабілеті өз халқының ең жақсы дәстүрлерінде тәрбиеленген, өз тілін білетін және басқа тіл мен басқа мәдениеттің өзіндік құндылығы мен өзіндік ерекшелігін білетін жерде ғана бағаланады.
ПІКІРЛЕР