Мерекелік концерт
Бүгін, 5 мамыр күні Х.Досмұхамедов атындағы Атырау мемлекеттік университетінің акт залында 7 мамыр – Отан қорғаушылар күніне орай өткен мерекелік концерт ұжымның көңілінен шықты.
Іс-шара алдымен университеттің әскери кафедрасының Қазақстан Республикасы Қарулы Күштерінің 25 жылдығына арналған салтанатты жиынымен басталды. Әскери кафедраның курсанттары патриоттық әндер айтып, әскери дайындықтарымен қатар шығармашылық өнерлерін де ортаға салды.
Кештің екінші бөлімінде университеттің арулары ер азаматтарға арнайы дайындалған ән-би мен қойылымдарын қойды. Қазыналы Атырау өлкесінің білімі мен ғылымының, мәдениеті мен өнерінің орталығы болып отырған университетіміздегі бүгінгі шара жоғары деңгейде ұйымдастырылды.
Халқымызда «Ер - елінің қорғаны» деген аталы сөз бар. Ендеше Отан қорғаушыларымызды мерекелерімен шын жүректен құттықтаймыз!
ПІКІРЛЕР