Кәсіби бағдар беру мақсатында өткен кездесу

Кәсіби бағдар беру мақсатында өткен кездесу

16 сәуірде 2021 жылғы бітіруші түлектерге кәсіби бағдар беру мақсатында "2021 жылға студенттер қабылдау туралы. Мамандық таңдау" тақырыбында мектер оқушыларымен, колледж түлектерімен кездесу өтті.

 Модератор - Гуманитарлық ғылымдар және өнер факультетінің деканы Сағынгерей Аймұратов аталмыш факультеттің кафедра меңгерушілеріне сөз берді. Алғашқы сөз кезегін "Журналистика" кафедрасының меңгерушісі - Мәншүк Мұқашева алып, болашақ талапкерлерге кафедрадағы мамандықтар туралы айтып, кафедра тынысымен қысқаша таныстырып өтті. Келесі сөз кезегін алған "Музыка және өнер" кафедрасының меңгерушісі Елизавета Ковалева музыкалық білім алу ерекшеліктеріне тоқталды. 

"Қазақстан және дүниежүзі тарихы" кафедрасының меңгерушісі Лесқали Бердығожин тарих мамандығына түсуге талаптанған мектеп бітірушілеріне кеңестерін айтып, болашақта "Үш тұғырлы тіл" бағдарламасына сәйкес докторантура ашу жоспарланғанын баяндады. "Бейнелеу өнері және дизайн" кафедрасының м.а. Еркебұлан Насипуллаев дизайн мамандығының қыр-сырын меңгеріп, шығармашылық саласын таңдаған талапкерлерді университетімізді таңдауға кеңес берді. Кездесу соңында Қабылдау комиссиясының хатшысы Рауза Қанатбаева ҰБТ тапсырушыларға сәттілік тілеп, өз мамандықтарының білікті маманы болуына тілек білдірді. Айта кетейік, ҰБТ тапсырудың ІІІ кезеңі гранттық бағдарламаға оқуға түсуге негізделеді. 

ПІКІРЛЕР

Тізімге қайта оралу