- Басты бет
- МЕДИА-РЕСУРСТАР
- Жаңалықтар
- Республикалық ғылыми-практикалық онлайн – конференция өтті
Республикалық ғылыми-практикалық онлайн – конференция өтті
2021 жылдың 15 сәуірде Х.Досмұхамедов атындағы Атырау университеті, Экономика және құқық факультетінде Ғылым күні және ҚР Тәуелсіздігінің 30 жылдығына арналған «Жаңа жаһандық тұрпаттағы Қазақстан: экономикалық өрлеу және мүмкіндіктер» тақырыбында жас ғалымдар, магистранттар, студенттердің республикалық ғылыми-практикалық онлайн – конференция өтті.
Конференцияның мақсаты студенттер, магистранттар мен жас ғалымдар арасындағы ғылыми зерттеу белсенділіктерін дамыту, оларды заманауи ғылымның өзекті мәселелерін шешуге тарту, сондай-ақ студенттер мен жас ғалымдар арасындағы білімдік және ғылыми байланыстардың дамуына ықпал ету болды.
Конференцияның пленарлық мәжілісінің бағдарламасына сәйкес баяндама жасағандар қатарында Адиетова Эльмира Мизамгалиевна – э.ғ.к., факультет деканы, Шаяхметова Жанна Бекполовна – з.ғ.к., қауымдастырылған профессор, Шайхаденов Ренат Нурлыбекович – PhD, Қылмыстық – құқықтық пәндер кафедрасы меңгерушісі, Ахметова Альфия Сабитовна- PhD, Қаржы және есеп кафедрасының оқытушысы, Апсалямова Айгуль Шукурқызы – ҚР Бас прокоратурасының жанындағы Құқық қорғау академиясының магистранты, (Астана қаласы), Мұқтасиб Самал Қаиржанқызы – 5В050600 – Экономика мамандығының 3 курс студенті, Темиртасов Асылжан Талгатович - 5В05100 - Мемлекеттік және жергілікті басқару мамандығының 3 курс студенті қатынасып, ұсынылған мақалалар тақырыбы төңірегінде мәселелер баяндалды.
Ғылыми-практикалық конференция бес секциялық бағытта жүргізілді.
Пленарлық мәжіліс соңында факультет деканы Адиетова Э. М. «Жаңа гуманитарлық білім. Қазақ тіліндегі 100 жаңа оқулық» жобасы аясында жаңа оқулықтың таныстырылымын жүзеге асыру мақсатында өткізілген апталыққа белсенді атсалысқан факультет ПОҚ құрамын алғыс хаттармен марапаттады.
ПІКІРЛЕР