«Әдебиет әлеміндегі – әйел жүрегі»
Атырау мемлекеттік университетінде ақын, журналист Қалампыр Кенжеғалиқызымен кездесу өтті.
Кездесу кешіне журналистика мамандығының студенттері, аға-оқытушылар, кафедра меңгерушісі, ақын, жазушы Гүлзада Ниетқалиева қатысты. Бұл кездесу өзгелерден ерекше десек те артық айтқандығымыз емес. Себебі кездесудің ашылуы, Қалампыр Кенжеғалиқызының «Құрманғазы неге атанды бұзақы?!» атты кітабының тұсау кесер дәстүрімен басталды. Кездесу әңгіме-сұхбат және студенттердің көкейлеріндегі сұрақтарымен жалғасты. Қойылған сұрақтар арқылы біз өмірде қанша рет жығылсақта, қайта тұрып жүгіруге құқымыз бар екендігін түсіндік, сонымен қатар журналистика саласының қыр-сырларын да ұғындық. Студенттер өздерінің сыйлығы ретінде апамыздың өлеңдерін жатқа оқып, өздерін де ақындық жағынан танытты. Бұл кездесу тек қана сауалдармен жауапқа толы емес, поэзия кешіне де айналғандай болды. Өлең оқыған жас, болашақ ақындарға апамыз өзінің кітабын сыйға тартып, қолтаңбасын берді. Адамзатты рухани байытатын жақсы әңгіме үшін үлкен рахметімізді айтып, болашақ журналистерге батасын беріп, тілек айтуын сұрап, кешті аяқтадық.
Аида ЖАЛҒАСОВА
ПІКІРЛЕР