«Дипломмен – ауылға» бағдарламасы бойынша онлайн кездесу өтті
6 сәуір күні Х.Досмұхамедов атындағы Атырау университетінде «Дипломмен – ауылға» және «Жастар практикасы» бағдарламасы бойынша онлайн кездесу өтті.
2009 жылы басталған «Дипломмен – ауылға» жобасы осы уақытқа дейін әлеуметтік қолдау ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға көрсетіліп келді. Жобаның негізгі мақсаты ауылдық елді мекендердегі кадр әлеуетін күшейту, кәсіби мамандарды тарту.
Жастар тәжірибесі білім беру ұйымдарының түлектері үшін түлектердің алған мамандығы (кәсібі) бойынша бастапқы жұмыс тәжірибесін алу мақсатында ұйымдастырылды.
Онлайн кездесуге спикер ретінде Атырау облыстық «Жас Отан» жастар қанатының төрағасы Ренат Ғилажев қатысты.
Ренат Маратұлы өз сөзінде «Дипломмен – ауылға» бағдарламасының мақсатымен Жоба аясында 290 000 теңге мөлшерінде көтерме жәрдемақы төлеу түріндегі әлеуметтік қолдау және әлеуметтік қолдау шараларының қатарында тұрғын үй алуға 4 475 000 теңгеден аспайтын мөлшерде бюджеттік несие қарастырылғанын атап өтті.
Кездесу барысында бітіруші түлектер тарапынан қойылған сұрақтарға тұщымды жауаптар берілді.
ПІКІРЛЕР