Ғылым күніне орай апталық басталды
12 сәуір - Ғылым күніне орай Х.Досмұхамедов атындағы Атырау университетінде 5 сәуірде ғылым апталығы басталды. Еліміздегі пандемияға байланысты ғылым апталығы аясында жоспарланған іс-шаралар онлайн форматта өткізіледі.
Ғылым апталығы аясында факультетішілік семинарлар, шетелдік ғалымдардың қатысуымен өткізілетін конференциялар, олимпиадалар және басқа да шаралар ұйымдастырылады.
Жоспарланған ғылыми шаралардың мақсаты – студенттермен магистранттарға дипломдық жұмыстарды, ғылыми зерттеулерді жүргізуге үйрету, сонымен қатар ғылыми жобалар жазуға бейімдеу.
Ғылым апталығының алғашқы күні Жаратылыстану және ауылшаруашылық ғылымдары факультеті ұйымдастыруымен үздік дипломдық және магистрлік жұмыстарының көрмесі өтті.
Көрмеде үздік магистрлік диссертация жобасымен бірге диплом жұмыстарыда қойылған. Көрменің басты мақсаты бітіруші түлектерге бағыт бағдар беріп жазылып жатырған жобалармен таныстыру болып табылады.
Өткізілетін шаралар барысында барлық санитариялық-эпидемиологиялық нормалары сақталады.
ПІКІРЛЕР