Студенттеріміз жеңіс тұғырында!
Спорттың дамуы мен, жастарымыздың қажырлы да қайратты, дені сау ұрпақ болып өсуі өркениетті қоғам үшін өте маңызды. Спорттағы жетістікті ел дамуының ең маңызды көрсеткіші дей аламыз. Елімізде спорттың дамуымен қатар, жаңа спорт түрлері де қосылып, қазіргі уақытта жастарымыз әлемдік додалардан бой көрсетуде. Сондай жас спорттардың бірі Пенчак Силат жауынгерлік спорт өнері.
Пенчак Силат - Индонезия , Малайзия,Сингапур елдерінің тарихи спорт түрі. Олардың дәстүрі бойынша бұл спорт түрі жастарды жетілдіруде маңызды рөл атқарған. "Пенчак"- дене мүшелерінің қалпын шебер өзгерте отырып өз өзін қорғау, "Силат"- пенчакты күресуде қолдану деген мағына береді. Бұл спорт өнері 4 бөлімнен тұрады. Тандинг- жекпе - жек, тунгал- жеке орындау, регу- топтық орындау, ганда- жұптық орындау .
Қазіргі уақытта осы спорт түрінің тандинг бөлімі бойынша Атырау спортшылары жақсы жетістіктерге жетуде. Олардың ішінде Х.Досмұхамедов атындағы Атырау университетінің студенттеріде бар.
Жаңадан дамып келе жатырған жас спорт түрінен университетіміздің Инновациялық білім беру факультетінің 1 курс студенттері Ермекқали Арсен, Амангелдіұлы Аманжан 2 – орынды иеленсе Экономика және Құқық факультетінің 1 курс студенті Жұмағалиев Дархан 2-орын ие болды. Жеңімпаздарды жетістіктерімен құттықтаймыз!
ПІКІРЛЕР