- Басты бет
- МЕДИА-РЕСУРСТАР
- БАҚ біз туралы
- Жеңімпаздар марапатталды
Жеңімпаздар марапатталды
Күй отанында «Атырау-Ақпарат» медиасеріктестігі ұйымдастырған «Алаш туы астында…» атты публицистикалық шығармалар байқауының жеңімпаздары марапатталды. Елбасының «Болашаққа бағдар: рухани жаңғыру» мақаласы мен Алаш қозғалысының 100 жылдығына орай өткізілген байқаудың жүлде қоры 1 млн теңгені құрады.
Салтанатты марапаттау рәсімінде сөз алған «Атырау-Ақпарат» ЖШС-нің басшысының орынбасары Рауан Сәбитұлы байқаудың маңыздылығына тоқталды.
– Алаш қозғалысына байланысты мақалалар Атырау облысынан бөлек, көршілес Маңғыстау, Ақтөбе, Батыс Қазақстан және Алматы облыстары мен Астана қаласынан келіп түсті. Барлығы 100-ден астам келіп түскен материалды біз облыстық, аудандық газеттерде жарияладық. Байқаудың басты мақсаты – Алаш арыстарын ұлықтау, олардың ұлт алдында жасап кеткен жанқиярлық еңбектерін насихаттау, – деп атап өтті Р.Сәбитұлы.
Бұдан соң байқаудың қорытындысы бойынша үздік саналған зерттеу мақалаларының авторларына жан-жақты құрмет көрсетілді. Ынталандыру сыйлығына тігілген қаржылай жүлде – 83500 теңгеге «Атырау» газетінде жарияланған «Алаштың алдаспан азаматы» атты мақаласы үшін
Х.Досмұхамедов атындағы Атырау мемлекеттік университетінің доценті Айдар Сабыров, «Алашорда ақиқатына апаратын жол Ойылдың бойында жатыр» атты мақаласы үшін «Атырау» газетінің тілшісі Амандық Абдолов, «Алаш – асқақ рух туы» атты мақаласы үшін «Дендер» газетінің тілшісі Сүйеу Халықов, «Жайық шұғыласы» газетінде жарияланған «Дәрігер Есенғали Қасболатов» атты мақаласы үшін М.Өтемісов атындағы Батыс Қазақстан мемлекеттік университетінің 4-курс студенті Сымбат Амалова ие болды.
Жүлделі ІІІ орын «Тернистый путь к независимости» атты мақаласы үшін «Прикаспийская коммуна» газетінің бөлім меңгерушісі Надежда Тулинаға табысталды. Ол 111 мың теңгелік қаржылай жүлдені еншіледі. ІІ орынға «Атыраудың Алашордалық мұғалімдері» атты зерттеу мақаласы үшін Атырау мұнай және газ университетінің құрметті профессоры Аманғали Әміржанұлы лайық деп танылды. Жүлдесі – 222 мың теңге. Жүлделі І орын мен байқаудың бас жүлдесі 333 мың теңгеге Х.Досмұхамедов атындағы Атырау мемлекеттік университетінің профессоры Аққали Ахмет ие болды. «Қайраткер Қаратілеуов» мақаласы үшін жеңімпаз атанған Аққали Ахметұлы «Алашорда тану» шаралары үзілмесін деген тілегін айтты.
Ұқсас материалдар
АҒАЕВТЫҢ САРБАЗЫ
Жарияланған : Облыстық қоғамдық - саяси “Атырау” газеті, 28 наурыз , 2024 жыл, №13 (20 826)
Автор : Аққали Ахмет, тарих ғылымдарының докторы, профессор
САРА ЖОЛЫ Сәкеннің...
Жарияланған : Облыстық қоғамдық - саяси “Атырау” газеті, 28 наурыз , 2024 жыл, №13 (20 826)
Автор : Айдар Сабыров, Х.Досмұхамедов атындағы Атырау университеті психология және педагогика кафедрасының доценті
Өлке тарихында - құнды деректер
Жарияланған : Облыстық қоғамдық - саяси “Атырау” газеті, 28 наурыз , 2024 жыл, №13 (20 826)
Автор : Сайполла Сапанов, тарих ғылымдарының докторы, профессор, Атырау-Орынбор-Атырау
Студенттер ШЕТЕЛДЕ білім алуда
Жарияланған : Облыстық қоғамдық - саяси “Атырау” газеті, 28 наурыз , 2024 жыл, №13 (20 826)
Автор : Жайна Мәлімқожа, Х.Досмұхамедов атындағы Атырау университеті баспасөз қызметінің маманы
МАЙЛЫ ҚИЯН МАҚАТ: ЕРЛІК ПЕН ЕЛДІК ЖОЛЫНДА
Жарияланған : Аудандық қоғамдық - саяси “МАҚАТ ТЫНЫСЫ” газеті, 20 наурыз , 2024 жыл, №12 (11 78)
Автор : Лесқали Бердіғожин, Х.Досмұхамедов атындағы Атырау университеті тарих ғылымдарының докторы, профессор
ПІКІРЛЕР