ШУАҚ ШАШҚАН ЖАН

Жұпар Тәренқызы Х.Досмұхамедов атындағы Атырау мемлекеттік университетінің «Математика және математиканы оқыту әдістемесі» кафедрасының доценті, бір монография, үш оқу-әдістемелік оқу құрал¬дарының авторы. Кафедра меңгерушісі, деканның орынбасары лауазымын да атқарған. 1978 жылы Алматы қаласындағы Қазақ мемлекеттік қыздар педагогикалық институтының физика-математика факультетін тамамдап, Атыраудағы ең ірі оқу ордасына жиырма жасында, өрімдей жас кезінде келді. Содан бері табан аудармастан бір ұжымда қызмет етіп келеді.

Жұпар Тәренқызын облыс аумағы ғана емес, республика жұртшылығы да тәжірибелі ғалым-әдіскер ретінде де жақсы біледі. Өйткені ол облыстық, республикалық, ха­лық­аралық ғылыми-практикалық кон­ференцияларда жиі баяндама жасайды, оның әдістемелік нұсқаулары мектеп, бастауыш сынып мұғалімдері көп көмек. Жұпар Тәренқызының 50-ден астам ғылыми мақалалары республикалық басылымдарда жарық көрді. Ғалым-маман Білім және ғылым министрлігінің, университет басшылығының, қалалық, облыстық әкімшіліктің «Құрмет» грамотасын алды, Алтынсарин атындағы төсбелгімен марапатталды.
Ұйымдастырушылық қабілетінің ар­қасында қоғамдық жұмыстарға да белсене араласып, кураторлар кеңесінің төрайымы, математикалық үйірме, әдістемелік бірлестік жетекшісі сынды жауапты міндеттерді де абыроймен атқарды. Ол жолдасы Хасан екеуі бақытты отбасы, құлпынайдай құлпырған екі қызы Құралай мен Әйгерімі бар.
Құралайы – тұрмыста. Күйеу баласы Тимур мен Құра­лайдан тараған Арман, Дария немерелері жұмыстан шаршап келгенде ал­дынан құлдырап шығып, мойнына асылғанда, күйбең тірлікті ұмытып ширап сала береді.

Тізімге қайта оралу