Атырауда Тілдер мерекесі кеңінен тойланды

Атырауда Тілдер мерекесі кеңінен тойланды

22 қыркүйек – Қазақстан халқы тілдері күніне орай осындай тақырыппен облыстық фестиваль өтті. Облыстық тілдерді дамыту жөніндегі басқарма мен «Төртінші билік» қоғамдық бірлестігі ұйымдастырған шара барысында тіл жанашырлары марапатталды.

Өңірімізде өмір сүріп жатқан сан түрлі ұлт өкілдері қатысып, сан-алуан тілде ән шырқалып, ұлттық билер орындалған мерекелік шарада аталған басқарма басшысы Әсия Қыстаубаева сөз сөйлеп, қатысушыларды мерекемен құттықтады.

– Жалпы, қыркүйек айы елімізде тіл айы болып табылады. Олай дейтінім, осы айдың 22-сі күні тіл туралы арнайы заң қабылданып, қазақ тілі мемлекеттік тіл мәртебесін алды. «Тіл – ұлттың жаны дейміз». Көп ұлтты елімізде әр ұлттың тіліне құрметпен қарайды. Және тілдерді дамытуға барлық жағдай жасалған. Сондықтан, жыл сайын дәстүрлі түрде өтіп келе жатқан бұл шараның маңызы жоғары.

Елімізде латын графикасының бірыңғай стандарты ұсынылды. Аталмыш қадам қоғамдық сананы жаңғыртудың аса маңызды тетігі ретінде қарастырылуда, – деді ол.

Сөз соңында Мәдениет және спорт министрлігінің Тілдерді дамыту және қоғамдық-саяси жұмыс комитетінің Құрмет грамотасымен тарих ғылымдарының докторы, профессор Аққали Ахметті құттықтаса өзге де бір топ азаматқа облыс әкімінің Алғыс хатын табыстады. Олардың қатарында мұнайшы, мұғалім, басқа да саланың мамандары бар.

Сондай-ақ, Тіл мерекесіне орай Жайық жағалауында жас өнерпаздардың түрлі ұлттық әндерін орындаудан салтанатты шеру мен Тұрғындар қалашығындағы саябақта «Өлең – сөздің патшасы, сөз сарасы…» атты әдеби оқулар өтті.

Мәлике МӘЛІК

Суретті түсірген: Әнуар ӘБІЛҒАЗИЕВ

Дереккөз: Атырау газеті

ПІКІРЛЕР

Тізімге қайта оралу

Жайықта су деңгейі тұрақтала қойған жоқ

21 Май 2024 24

Жариялаған : Республикалық қоғамдық-саяси газеті "Жас Алаш"

Толығырақ : https://zhasalash.kz/news/zhayikta-su-dengey-turaktala-koygan-zhok-93af6f/

Ауыл шаруашылығына маман тапшы

21 Май 2024 28

Жариялаған : Caspian news телеарнасы /фейсбук/

Толығырақ бейнематериалда : https://www.facebook.com/share/v/y7r7bFZcwYpw5MxX/?mibextid=WC7FNe

Ауыл шаруашылығына маман тапшы

19 Май 2024 21

Жариялаған : Caspian news телеарнасы

Толығырақ бейнематериалда : https://www.youtube.com/live/wnFs8UMyekY?si=J3-8k--n15pTafDY

"Ассамблея - бірліктің бірегей моделі"

18 Май 2024 35

Жарияланған : Жалпыұлттық республикалық "Егемен Қазақстан" газеті, 18 мамыр , 2024 жыл, №95 (30 824)

Автор : әңгімелескен -Зейін Ерғали, /Егемен Қазақстан/