Жетістіктер

27 мамыр күні Х. Досмұхамедов атындағы Атырау университетінің Менеджмент кафедрасы жұмыс беруші серіктестермен бірлесіп жаңартылған білім беру бағдарламаларын талқылау кездесуін ұйымдастырды.

Іс-шараға келесі ұйымдардың өкілдері қатысты:
• Кайненова Шолпан Айдынғалиевна – ҚР Мемлекеттік қызмет істері агенттігінің Атырау облысы бойынша департаменті
• Нұрғалиева Марта Насиповна – Атырау қаласы әкімінің аппараты
• Нәжімеден Задагүл Жеделбайқызы – Атырау облысы әкімінің Іс басқармасы
• Абузяров Давид Рафикович – «Премиум Снаб» ЖШС

Талқылау барысында білім беру бағдарламаларына енгізілген жаңа пәндер таныстырылып, олардың мазмұны мен мақсаттары түсіндірілді. Сонымен қатар, еңбек нарығының қазіргі талаптарына сай білікті мамандар даярлау, кәсіби құзыреттерді қалыптастыру, және оқу процесіне өндірістік тәжірибені тиімді енгізу жолдары бойынша өзекті мәселелер қаралды.

Кездесу жұмыс берушілер мен кафедра арасындағы тығыз ынтымақтастықтың нақты қадамы ретінде бағаланды. Шараның қорытынды бөлімінде жұмыс беруші тарап өз ұсыныстарын білдіріп, білім беру бағдарламаларын одан әрі жетілдіруге бағытталған нақты пікірлерімен бөлісті.

Тізімге қайта оралу