Мектепке дейінгі және бастауыш білім беру кафедрасында Университетішілік «Ғылым апталығы» аясында «Кафедра мен филиалдар ынтымақтастығы арқылы экожоба ұйымдастыру» тақырыбында дөңгелек үстел өткізілді. Аталған шараның мақсаты қоғамның экологиялық сауаттылығын арттыру арқылы қоршаған ортаға деген саналы, жауапкершілік қарым-қатынасын қалыптастыру болып табылады.
Экожоба ұйымдастыру мәселесіне қатысты теориялық және практикалық талқылау жүзеге асты. Кафедра оқытушылары, магистр О.А.Абилова Экожобаны ұйымдастырудың маңыздылығы мен ерекшелігі туралы түсінік беріп өтсе, магистр Ж.Е.Утемисова студенттердің экологиялық бағыттағы ғылыми жұмыстарына шолу жасады.Дөңгелек үстелге кафедраның филалдары - №27 «Ақбота» бөбекжай бақшасы, №55 «Жадыра» бөбекжай бақшасы, №17 «Шамшырақ» бөбекжай бақшасы – экологиялық бағытта шығармашылық жобаларымен, іс-тәжірибелерімен бөлісті. Әр мекеме өздерінің экожобаларымен таныстырды.
Кафедра студенттері «Экология негіздері», «Тұрақты даму» пәндері бойынша алған білімдері мен дағдыларын көрсетті. «Мектепке дейінгі ұйымда Жаратылыстануды оқыту әдістемесі» пәні бойынша аға оқытушы Э.Ж.Испанованың жетекшілігімен тәжірибелік эксперимент жұмыстарын ұйымдастырды.Шара соңында студенттер экологиялық бағыттағы шара бойынша алған әсерлерімен бөлісті. Тәжірибелерін ұсынған филиал педагогтарына ризашылық білдіріліп, алғыс хатпен марапатталды.
ПІКІРЛЕР