Қазіргі таңда түлектерге кәсіби бағдар ұсынып, кеңес айту үлкен маңызға ие. Кәсіби бағдар беру – шешімі табылуға тиісті өте күрделі кешенді мәселе. Себебі осы бағыт бағдар адам ғұмырының алдағы болашағына өз әсерін тигізеді. Осы мақсатта оқушыларға болашақ мамандық таңдауға көмектесу және пайдалы кәсіп туралы көзқарастарын дамыту үшін университет оқытушылары жыл сайын қала, аудан, ауылдағы білім шаңырақтарына барып, түрлі тақырыптарда еркін әңгіме жүргізеді.
Атап айтсақ, 19-20 мамыр күндері Инновациялық білім беру факультетінің деканы А.Ө.Мұханбетжанова, Дене шынықтыру және бастапқы әскери дайындық кафедрасының аға оқытушылары Р.Р.Хабиров, магистр Э.Т.Джумагельдиев, оқытушы А.А.Қалдыбаева, Психология және арнайы білім беру кафедрасының аға оқытушылары Ш.Н.Бисенова мен Н.Б.Қарабаева Атырау қаласының Ш.Уалиханов атындағы № 9, Д.Байбосынов атындағы № 13, А.Молдағұлова атындағы №22, Ж.Нәжмеденов атындағы № 22 орта мектептеріне барып, кәсіби бағдар жұмыстарын жүргізіп, алдағы ұлттық бірыңғай тестілеуден сәтті өтулеріне тілек білдірді.
ПІКІРЛЕР