19 мамыр күні Инновациялық білім беру факультетінің Дене шынықтыру және бастапқы әскери дайындық кафедрасының оқытушысы А.А.Қалдыбаеваның ұйымдастыруымен «Дене шынықтыру және спорт» мамандығының 3 курс студенттерімен «Мемлекеттік рәміздер- елдігіміздің белгісі» атты дөңгелек үстел өтті.
Мақсаты cтуденттерге Қазақстан Республикасының 2007 жылғы 4 маусымдағы № 258 Конституциялық заңында Қазақстан Республикасының Мемлекеттік Рәміздері - Мемлекеттік Ту, Мемлекеттік Елтаңба, Мемлекеттік Гимн, Қазақстан Республикасының Мемлекеттік Рәміздері болып табылатынын кеңінен түсіндіру. Қазақстанда туып – өскен әрбір азаматты Қазақстан Республикасының Мемлекеттік Рәміздерін, Ата Заңды қадірлеуге, Отанын сүюге, тілді, дінді берік ұстауға, қастерлеуге, сыйлауға үйрету, Отанға деген патриоттық сезімдерін ояту мақсатында жүргізілді.
Студенттеріміз өздерін тәуелсіз қазақ елінің жасұландарымыз. Сондықтан өз жерімізді, өз елімізді әкелер мен аталарымыз сияқты қадірлеуге, рәміздерін сүюге, сыйлауға тиіс екенімізді естен шығармайық дей отыра интерактивті тақта арқылы жасалынған слайдтан ҚР – ның Рәміздерін, Ата Заңын, тілін, дінін, Елбасын т.б. қадір тұтатын жұмыстарын көрсетті. Сонымен қатар спортшыларымыз өз сөздерімен тәмамдады.
Батырғали Әбілмансур, Каратэ-додан ҚР халықаралық спорт шебері, Жастар арасында Олимпиада ойындарының жүлдегері:
-Күллі әлемге қазақ халқының ұлттық болмысын, тарихын байлығын паш ететін ол біздің көк байрағымыз. Еңсесі биік әрбір азамат, яғни біз спортшылар оны қадірлеп, мақтан тұтуымыз керек. Біз тәуелсіздігіміздің рәміздерін көздің қарашығындай сақтауымыз керек.
Жаңбыр Бейбарыс, Каратэ-додан ҚР халықаралық спорт шебері:
-Біздің туымызбен біз әр жерде жүреміз. Жарыстарға шығамыз. Шетелдерге барған кезде бірінші кезекте туымызды ұстаймыз. Содан да мен туымды өте жақсы көремін.
ПІКІРЛЕР