2021 жылдың 22-23 сәуірде Абай атындағы Қазақ ұлттық педагогикалық университетінде 6В01201-«Мектепке дейінгі оқыту және тәрбиелеу» білім беру бағдарламасы бойынша ХІІІ Республикалық пәндік олимпиадасы өтті.
Олимпиаданың мақсаты: Мектепке дейінгі білім берудің жаңартылған мазмұны жағдайында педагогикалық білімдерді насихаттау, студенттердің кәсіби құзыреттіліктері мен даярлық сапаларын анықтау, кәсіби педагогикалық және шығармашалық әлеуетін ашуға жағдай жасау.
Олимпиада бағдардарламасы
1. «Жаңа формация – педагог-тәрбиеші» команданың өзін таныстыруы
2. «Білім ринг-білім додасы» тест тапсырмалары.
3. «Инновациялық бағыттар: заманауи педагог -тәрбиеші теориядан практикаға» шығармашылық жоба сайысы.
«Педагог-тәрбиешінің шеберлік әлемі» жаңартылған білім мазмұны жағдайындағы ұйымдастырылған оқу қызметі
Пәндік олимпиадаға университеттің 5В010100-«Мектепке дейінгі оқыту және тәрбиелеу» мамандығының 3-курс студенттері Құндақбаева Аяжан, Матығұл Ұлжан, Жақсылықова Жұлдызай және 6В01201- «Педагог-тәрбиеші және мектепке дейінгі білім беру әдіскері» мамандығының 2-курс қысқартылған күндізгі оқыту нысанының студенті Төлепберген Аяжан қатысты. Студенттерді дайындап, жетекшілік еткен п.ғ.м., аға оқытушы Абилова Орынгүл Асылбековна және п.ғ.м., оқытушы Утемисова Жанна Ербосыновна.
Олимпиада қорытындысында «Білім ринг-білім додасы» тест тапсырмалары бойынша жақсы нәтиже көрсеткен Құндақбаева Аяжан ІІІ дәрежелі дипломмен және «Инновациялық бағыттар: заманауи педагог -тәрбиеші теориядан практикаға» шығармашылық жоба сайысында «Үздік теоретик» номинациясы бойынша Матығұл Ұлжан мақтау қағазымен марапатталды. Жалпы командалық («Жаңашыл 4К») есептік көрсеткіш бойынша ІІІ дәрежелі дипломмен марапатталды. Команда жетекшілері студенттердің кәсіби-тұлғалық әлеуетін, шығармашылық қабілеттерін ашып, өзін-өзі жетілдіруге жағдай жасай отырып, мектепке дейінгі білім берудің жаңартылған мазмұны жағдайында студенттердің кәсіби және шығармашылық қатынасын қалыптастырудағы қажырлы еңбектерінің арқасында алғыс хат және сертификаттармен марапатталды.
ПІКІРЛЕР