Аударма ісі және шетел тілдері кафедрасы

Бакалавриат

5В020700 - «Аударма ісі»(бакалавриат) мамандығы бойынша маман даярлау Қазақстан Республикасы Білім және ғылым министрлігінің Білім және ғылым саласындағы бақылау комитеті берген №13002658 сериялы лицензиясы (№478 бұйрық 28.02.2013) негізінде күндізгі, сырттай және кешкі оқыту нысандарына талапкерлер қабылданып, олар кредиттік технология жүйесімен оқытылуда. Бітірушіге 5В020700 - «Аударма ісі» мамандығы бойынша гуманитарлық ғылымдар бакалавры академиялық дәрежесі беріледі. Оқу мерзімі: орта білім негізінде – 4 жыл. Шығарушы кафедра - «Аударма ісі және шетел тілдері».

Кафедра жұмысының мақсаты: студент жастарды сапалы аударма және коммуникативтік мақсаттарға жетуде тілдік қарым-қатынасты қолдануды, қабылдау, түсіну, шет тілінде ауызша және жазбаша орындаудың түрлі аспектілерін ұйымдастыра және басқара білу қызметіне даярлау. 

 Кафедра өз қызметін үш негізгі бағытта жүзеге асырады: 

 • оқу – әдістемелік; 

• ғылыми - зерттеу; 

• оқу–тәрбие.

Маман дайындау сапасын арттыру мақсатында интерактивті құрылғылары бар 25 орындық мультимедиялық орталық жұмыс жасайды. Сондай-ақ, ауызша сөйлеу лабораториясы, дәрісханалар мен оқу аудиториялары, Internet желісіне қосылған компьютер бөлмелері, шетел тілі материалдары жинақталған фонотека, видеотека студенттер үшін еркін пайдалануға берілген. 

Кафедра студенттерінің ағылшын, неміс, француз, қытай тілдерін оқуға мүмкіндіктер жасалған. 

 Шетел тілін оқыту аспектілері: аударма теориясы, ауысша аудару практикасы, жазбаша аудару практикасы, елтану, іскерлік шет тілі, әдеби аударма практикасы, қоғамдық-саяси мәтіндерді аудару практикасы, ғылыми-техникалық мәтіндерді аудару практикасы, практикалық грамматика, практикалық фонетика, аудармадан курстық жұмыстар. 

 Ғылыми-педагогикалық кадрлардың біліктілігін, студенттердің кәсіби деңгейін арттыру мақсатында көптілді білім беру факультеті отандық университеттермен және жақын және алыс шетел университеттерімен ғылыми және оқу-әдістемелік байланыстар орнатты. Халықаралық академиялық ұтқырлық бағдарламасы бойынша университеттің оқытушылары мен студенттері Қазақстан, Ресей, АҚШ, Англия, Франция, Германия, Қытай, Венгрия, Латвия, Литва, Түркия, Болгария, Польша, Испания, Малайзия, Португалия, Қырғызстан, Египеттің әртүрлі университеттерінде болды. өздерінің біліктіліктерін арттыруға, бірқатар қызықты курстарды тыңдауға, тәжірибе алмасуға мүмкіндік алды. 

Факультетте әр түрлі үйірмелер жұмыс істейді: «Шешендік өнер», «Аударма бюросы», «Жас терминолог», «Тіл білімі және лингвомәдениеттану мәселелері», «Драма клубы». Үйірмелер мен клубтардың жұмысы шешендік өнерді, сөйлеу мәдениетін үйретуге бағытталған, сонымен қатар шетелдік елшіліктермен және Атырау қаласында шетелдік компанияларда жұмыс істейтін азаматтармен кездесулер ұйымдастыруды, аудармашылар ретінде түрлі шетелдік жәрмеңкелерге қатысуды, білім деңгейін көтеруді қамтиды.

Кафедрада ұйымдастырылған «Аудармашылар клубы, «Drama Club», «English Club» атты студент-аудармашылар клубтарының желісі жастар арасында белсенділікті күшейтіп, халықаралық, республикалық, облыстық сайыстарда жүлделі орындарды иеленді. Кафедра студенттерінің өз мамандығына сай «ГалаГлобалГрупп», «ICS Sicim»,«CP Hotel Atyrau», «Fircroft»,«Shlumberger», «Renaissance», «ESS Support Services», «Agip KCO», «Marriott»», «Worley Parsons», «Denholm Zholdas LLP», «NCOC» компанияларынан оқу және өндірістік тәжірибелерден өтуі, түрлі бағыттағы тақырыптық мәліметтерді жинақтап, презентациялауы, аудармашы портфолиосын жасақтауы болашақ жас мамандарды шығармашылықпен ізденуге әркез жетелейді.