18.05.2023 112

Қазақстандағы Ұлыбритания елшілігі жанындағы British Council ұйымдастыруымен 2022 жылдың желтоқсан айының 1 жұлдызынан 2023 жылдың 16 наурызына дейін British Council онлайн мұғалімдер қауымдастығының «Future English Teacher Development» бағдарламасы аясындағы жобаға Қазақстан бойынша 16 жоғары оқу орнының ағылшын тілі оқытушылары қамтылды, соның ішінде Көптілді білім беру факультетінің деканы, Аударма ісі және шетел тілдері кафедрасының ф.ғ.к., қауымдастырылған профессоры А.Султангубиева да бар.
Жоба аясында Айгуль Султангубиева  British Council онлайн мұғалімдер қауымдастығының платформасында педагогикалық тәжірибелермен алмасып, электрондық портфолио әзірлеп, кәсіби даму вебинарларына қатысты. Жоба аясындағы платформада 15-тен астам шет елдердің мұғалімдерімен байланысуға, тәжірибе алмасуға, ағылшын тілі мұғалімдері үшін әмбебап мәселелер бойынша пікірталастар жасауға мүмкіндік жасалды.
Сонымен қатар, жобаның екінші тапсырмасы бойынша жобаға қатысушы студенттерге фасилитатор ретінде тренинг өткізу тапсырмасы берілген.
Фасилитатор А.Султангубиева Аударма ісі білім бағдарламасы бойынша оқитын өзінің кураторлық 301-3 тобының 15 студентіне онлайн тренинг өткізді, атап айтсақ студенттерге Online Teacher Comunity платформасында форум талқылауларына модераторлық етіп, топтың қажеттіліктеріне сәйкес келетін тапсырмалар және студенттерді қызықтыратын тақырыптарын үнемі арнайы берілген сайттағы платформаға жариялап және берілген материалдардың жауаптарын бағалап отырды.
«Future English Teacher Development» бағдарламасы аясындағы жобасына қатысқан А.Султангубиева және барлық студенттер сәтті аяқтап, British Council онлайн мұғалімдер қауымдастығының арнайы сертификаттарына ие болды.

Тізімге қайта оралу