28.04.2023 166

28 сәуірде «6В02302-Қазақ филологиясы» білім бағдарламасында оқитын 1 курс 101-1, 101-2 топ студенттерінің арасында «Қазіргі қазақ тілінің фонетикасы және графикасы» және «6В01701-Қазақ тілі мен әдебиеті пәндерінің мұғалімі» ББ 3 курс студенттері арасында «Қазіргі қазақ тілінің синтаксисі» курстарынан пәндік сайыс өткізілген болатын. Сайысты ұйымдастыушы пән тьюторы, филол.ғ.к. Елеуова Айгүл Сергейқызының пікірінше, бұндай білімдік, танымдық бағдарлы шараларды ұйымдастыру мақсаты - студенттердің жеке пәндер бойынша теориялық білімін тереңдету, тілтанымдағы көкейкесті мәселелерге назар аударту, теориялық білімді тәжірибемен ұштастыра білу дағдысын қалыптастыру. Сайысқа 1 курс бойынша екі команда: «Элизия» (құрамы: Адилова Альбина, Ғинаятова Айгерім, Болатова Мая, Құсиын Жаннұр, Жұмажан Айкөркем),  «Сингармонизм» (құрамы: Сапарғалиева Шұғыла, Динасилова Асылай, Асқарова Жансая, Қошым Мадина, Қанатова Айгүл), 3 курс бойынша 2 команда: «Басыңқы» (құрамы: Иманбаев Махамбет, Букенова Назира, Сарсекова Асемгүл, Маженова Томирис, Жұмашева Ақбота), «Паратаксис» (құрамы: Ким Диана, Болатова Жайна, Әлібекқызы Парасат, Ғазизова Аружан, Ануарбекова Жұлдыз) қатынасып, 3 тур бойынша, яғни командалардың өздерін креативті таныстыру шеберлігі, оқу семестрінде жеке пәннен игерілген теориялық білімдері мен практикалық дағдылары сынға түскен болатын. Пәндік сайыстың  қорытындысы бойынша қазылар құрамы шешімімен «6В01701-Қазақ тілі мен әдебиеті пәндерінің мұғалімі» білім бағдарламасында оқитын 3 курс студенттерінен құралған «Басыңқы» тобы және «6В02302-Қазақ филологиясы» ББ 1 курс студенттерінің «Элизия» тобы 1 балдық артықшылықпен жеңімпаз атанып, жүлделі 1 орынды иеленсе, «Сингармонизм», «Паратаксис» тобы 2 орынды місе тұтты. Сайысты ұйымдастыру жұмыстарына белсене ат салысқан студенттерге Алғыс хат табысталды.Қазіргі заманғы кәсіби мамандарды даярлау деңгейі тілші мамандардан тіл ғылымын терең меңгеріп, тіл теориясын жан-жақты тануды, өз ойын еркін жеткізіп, жүйелі талдау жасай білуді талап еткендіктен, бұндай ғылыми-танымдық шаралардың жиі ұйымдастырылып отыруының маңызы зор.

Тізімге қайта оралу