12.12.2022 253

Х.Досмұхамедов атындағы Атырау университетінде көптілді білім беру факультетінің «қазақ тілі және әдебиеті» кафедрасының ұйымдастыруымен ғалым, ұстаз, жазушы, филология ғылымдарының докторы, профессор, Қазақстан Ұлттық Ғылым академиясының академигі, Қазақстанның Халық жазушысы, Қазақ және Қырғыз Республикаларының еңбек сіңірген ғылым қайраткері Зейнолла Қабдоловтың 95 жылдығына арналған «Әдебиет – ардың ісі» тақырыбындағы дәріс-сабағы өтті.
Шараның барысында алғашқы сөз кезегі «қазақ тілі және әдебиеті» кафедрасының меңгерушісі Абрахманова Жұмазия Мәжитқызына берілді.
Шараға «қазақ тілі және әдебиеті» кафедрасының ұстаздары мен қазақ тілі мен әдебиеті пәндерінің мұғалімі, қазақ филологиясы мамандықтарының студенттері қатысты.
«Зейнолла Қабдолов университет студенттерінің алдында талай рет егемендік алған еліміз, отансүйгіштік, адамгершілік, ұстаздық жайында сөйлеп, үлкен ұлағаттылығымен көрінді. Ол кісіні Мұхтар Әуезовтың шәкірті, ғұлама ғалым, зергер жазушы, кемеңгер ұстаз деп бағалаймыз. Ол өмірден өткенше туған жерінің жақсылығына сүйсініп, қолдау білдіріп, шапағатын тигізіп өтті. Біз оны ешқашан ұмытпаймыз және оның рухына бас иеміз», - деді профессор Қадыр Жүсіп.
Шара соңында қорытынды қауымдастырылған профессор Гүлзира Аяпова тұлғаның өмірі мен келер ұрпаққа мәңгілік өнеге болып қалатын шығармашылығы жөнінде әңгімеледі.

Тізімге қайта оралу