09.12.2022 139

Х.Досмұхамедов атындағы Атырау университетінде «6В01701-Қазақ тілі мен әдебиеті пәндерінің мұғалімі» білім бағдарламасында оқитын 1 курс 101-1, 101-2 топ студенттерінің арасында «Қазіргі қазақ тілінің дыбыстық жүйесі және жазу тарихы» курсынан пәндік сайыс өткізілген болатын. Сайысты ұйымдастыушы пән тьюторы ф.ғ.к. Айгүл Сергейқызының пікірінше, бұндай білімдік, танымдық бағдарлы шараларды ұйымдастыру мақсаты - студенттердің жеке курстар бойынша теориялық білімін тереңдету, тілтанымдағы көкейкесті мәселелерге назар аударту, теориялық білімді тәжірибемен ұштастыра білу дағдысын қалыптастыру. Сайысқа екі команда: «Прогрессив» (құрамы: Алия Абылайқызы, Алтынай Ибатова, Динара Махамбет, Ақнұр Қаршыға, Мөлдір Сапарғалиева),  «Фонема» (құрамы: Амина Исламова, Бекарыс Қадыржан, Ұлту Орынбасарова, Рысгүл Сабит, Дильназ Саясат) қатынасып, 3 тур бойынша, яғни командалардың өздерін креативті таныстыру шеберлігі, оқу семестрінде пәннен игерілген теориялық білімдері мен практикалық дағдылары сынға түскен болатын. Пәндік сайыстың  қорытындысы бойынша қазылар құрамы шешімімен «6В01701-Қазақ тілі мен әдебиеті пәндерінің мұғалімі» білім бағдарламасында оқитын 101-2  топ студенттерінен құралған «Прогрессив» тобы 2 балдық артықшылықпен жеңімпаз атанып, жүлделі 1 орынды иеленсе, «Фонема» тобы 2 орынды місе тұтты. Сайысты ұйымдастыру жұмыстарына белсене ат салысқан студенттерге Алғыс хат табысталды. Қазіргі заманғы кәсіби мамандарды даярлау деңгейі тілші мамандардан тіл ғылымын терең меңгеріп, тіл теориясын жан-жақты тануды, өз ойын еркін жеткізіп, жүйелі талдау жасай білуді талап еткендіктен, бұндай ғылыми-танымдық шаралардың жиі ұйымдастырылып отыруының маңызы зор.

Тізімге қайта оралу