Физика, математика және ақпараттық технологиялар факультеті

«Жаңартылған білім беру-нәтижелі сапаның кепілі»

«Жаңартылған білім беру-нәтижелі сапаның кепілі»

2019 жылдың 27-сәуір күні Х.Досмұхамедов атындағы Атырау мемлекеттік университетінің «Информатика» кафедрасының филиалы №19 Қ.Сәтбаев атындағы мектеп-гимназиясы базасында «Жаңартылған білім беру-нәтижелі сапаның кепілі» тақырыбында әдістемелік семинар өтті.

Бұл семинар Физика, математика және ақпараттық технологиялар факультетінің Информатика кафедрасының  «Х.Досмұхамедов атындағы Атырау мемлекеттік университетінің 70 - жылдығын атап өтуге арналған 70 қадам» бағдарламасы аясында ұйымдастырылды.

Бұл әдістемелік семинардың мақсаты: білім беру мазмұнын жаңарту жағдайындағы оқушылардың сапалы білім алу негізін талқылау, білім алушылардың теориялық білімін практикамен ұштастыру, профессор-оқытушылар мен мектеп мұғалімдері арасында іс-тәжірибе алмасу. Семинар барысында «Жаңартылған білім беру аясында оқушылардың оқу жетістіктерін критериалды бағалау»,  «Оқыту мен оқу үдерісін жақсарту мақсатында Lesson Study-дің тиімділігі» тақырыптарында коучингтер,  «Ағылшын тілі жетістік үшін: Атырау облысы бойынша ағылшын және STEM оқытушыларының әлеуетін арттыру бағдарламасы бойынша» атты тренинг және студенттердің ұйымдастыруымен психологиялық тренингтер көрсетілді. Осы шараға №19 Қ.Сәтбаев атындағы мектеп-гимназия мұғалімдері Б.Қыдырова, Г.Қойбағар, А.Утемисова, Э.Сатыбалдиева, Б.Бисекенова, Х.Досмұхамедов атындағы Атырау мемлекеттік университетінің «Информатика» кафедрасының аға оқытушылары А.Майлыбаева, С.Джанабекова және 05011100-Информатика мамандығының 2-3- курс студенттері белсене қатысты. Семинар соңында студенттер, кафедра оқытушылары және мектеп-гимназия мұғалімдері алғыс хаттармен марапатталды. Әдістемелік семинардың студенттердің теориялық білімін практикамен ұштастыруда және информатика кафедрасының профессор-оқытушылары мен мектеп мұғалімдері арасында іс-тәжірибе алмасуда әсері зор болды. 

ПІКІРЛЕР

Тізімге қайта оралу