«Латын әліпбиі: мүмкіндіктері және болашағы» атты тақырыбында республикалық деңгейде пікірталас сайысы өтті
2021 жылдың 9-ші наурыз күні С.Сейфуллин атындағы Қазақ агротехникалық университеті «Техникалық» факультетің, «Стандарттау, метрология, сертификаттау» кафедрасының В076 - «Стандарттау, сертификаттау және метрология» мамандығының 076-20-10 топ студенттерімен топ кураторы Г.Т. Юсупова және Х.Досмұхамедов атындағы Атырау университеті «Физика, математика және ақпараттық технологиялар факультеті» «Физика және техникалық пәндер» кафедрасының В076 - «Стандарттау және сертификаттау» мамандығының 101 топ студенттерімен топ кураторы Ж.К. Шадьярованың ұйымдастыруымен «Латын әліпбиі: мүмкіндіктері және болашағы» атты тақырыбында республикалық деңгейде пікірталас сайысы өтті. Дебатқа С.Сейфуллин атындағы Қазақ агротехникалық университетінің «Стандарттау, метрология, сертификаттау» кафедрасының оқытушылары мен 4 курс студенттері және «Х.Досмұхамедов атындағы Атырау университеті» «Физика және техникалық пәндер» кафедрасының оқытушылары қатысты. Сонымен қатар «Аманат» дебат клубының мүшесі Сапаралиева Ару төрелік етуге шақырылды.
Пікірталастың мақсаты: Қазіргі уақытта еліміздің басты проблемасына айналып отырған ең өзекті тақырыптардың бірі – әліпбиіміздің өзгеруі және С.Сейфуллин атындағы Қазақ агротехникалық университеті мен Х.Досмұхамедов атындағы Атырау университет арасындағы байланысты нығайту.
Пікірталас барысында бірінші тарап, яғни қалыптасқан дәстүрді бұзып, кириллицадан латын әрпіне көшуге жоғарыда отырған шенеуніктер бұл мәселеге кенедей қадалуда, ал бұны қарапайым халық қолдай ма, әлде қарсы ма, мұнымен санасып жатқан ешкім жоқ десе, екінші тарап, латын әліпбиін мемлекетімізге енгізу керек, қолдану керек болашаққа ұмтылып, халықаралық байланыстарды нығайту мақсатында, басқа шетелдер қазақ тілін түсінуге мүмкіндігі болу үшін латын қаріпіне көшу керектігін айтты. Пікірталаста екі тараптың пікірі кезек-кезек тыңдалды. Екі тарап өзара бір-бірлеріне сұрақ қойып жауап берді.
Пікірталас соңында ұтымды ой айтқан топтар І, ІІ, ІІІ дәрежелі дипломмен марапатталды және үздік спикер анықталды. Басқа студенттер белсенді қатысқаны үшін алғыс хатпен марапатталды. Пікірталас тамашалаушы студенттер, оқытушылар өз пікірлерін білдіріп, алғыстарын айтып, сәттілік тіледі.
ПІКІРЛЕР