- Басты бет
- Факультеттер
- Гуманитарлық ғылымдар және өнер факультеті
- Жаңалықтар
- АЙТАР АЛҒЫСЫМ ШЕКСІЗ
АЙТАР АЛҒЫСЫМ ШЕКСІЗ
«Журналист- ең құрметті мамандық». Журналистің жүрмейтін жері, баспайтын тауы жоқ оны қаһарлы қыс, қарлы боранда түзде жүрген малшының қасынан да, кең жазира далада да, егін орған комбайнердің жанынан да, ыстық цех пен терең шахтадан да, космосқа жол салған сайып қыран батырлардың арасынан да кездестіресіз.
Қай жерде еңбек адамы болса, сол жерде журналист бар. Менің сондай асқақ арманыма жол ашып берген - Х.Досмұхамедов атындағы Атырау мемлекеттік университеті. Биыл 4 жыл білім алған білім ордасының 70 – ші түлектері болып қанат қаққалы жатырмыз. Бұл мен үшін және менің замандастарым үшін есте қалар сәт деп білемін. Өйткені, арманымыздың аласармауына бағыт беріп, жас маман баулуға жетелеген университетіміздің оқытушылары мен оқу ордасының ұжымына айтар алғысымыз шексіз. Аталмыш университеттің тарихында журналистика мамандығы өз ерекшелігімен ойып тұрып орын алады десе әсте артық айтпағанымыз болар. Бұл сала «алма піс, аузыма түс» деп, жатып алатын жалқаулардың жұмысы болып, сынақтардан сүрініп түсіп жататын мамандық емес. Жалпы айтқанда, бұл журналистика баспалдақ іспеттес. Ол құлап емес, жүрегің қалап түсетін мамандық екенін айта кеткім келеді. Осы мамандыққа аяқ тіреген студенттерді 4 жыл журналист етіп шығаруға қанаттандырып, алдағы арманымызға жетуге бұл білім ордасы үлкен жол ашты. Бұл арада еліміздің өсіп, өркендеуіне, мұнайлы өлкеміздің дамуына сүбелі үлесін қосып келе жатқан университет басшылығы мен «бар білімді біліп шықсын» деп жан ұшыра барын салған ұстаздардың еңбегі ұшан теңіз. Сондықтан, мен туған өлкемде жоғары білім алып, сапалы маман даярлаған оқу ордама әрқашан дән ризамын.
Айсәуле АРДАҚҚЫЗЫ,
Гуманитарлық ғылымдар және өнер факультетінің
2020 жылғы түлегі
ПІКІРЛЕР