«СПИД-ғасыр дерті»
Ағымдағы жылдың Желтоқсанның 3-і күні Х.Досмұхамедов атындағы Атырау мемлекеттік университеті, Гуманитарлық ғылымдар және өнер факультеті, Журналистика кафедрасының оқытушылары Э.Гилажева, Н.Нұрланова, Г.Исмурзиналардың ұйымдастыруымен «СПИД-ғасыр дерті» тақырыбында 105,203,204 топ студенттерінің қатысуымен семинар-тренинг өтті.
Шараның мақсаты атаулы оқу орнындағы Журналистика мамандығының студенттеріне темекі, арақ, есірткі, СПИД-тің қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне айналып отырған кеселдердің залалын жан-жақты меңгерту, зиянды заттардан барынша аулақ болуға шақыру, сана-сезімдерін дамыта түсу. Елбасының «Қазақстан – 2030» Жолдауы негізінде салауатты өмір салтын қалыптастыру және осы тәрбиені ұрпақ бойына сіңіру білім беру мекемелерінің алдында тұрған үлкен мәселе. Бұл семинар-тренингте Атырау облыстық СПИД-ке қарсы күрес орталығының маманы, педагог Айша Сатымқызы қатысушыларға брошюралар таратып қана қоймай, статистикалық мәліметтер мен қоса біраз ақпаратпен бөлісті. Шара барысында факультет деканының орынбасары, журналистика кафедрасының оқытушылары тарапынан туындаған сұрақтарға толыққанда жаауаптар берілді. Болашақ журналистердің білуге, үйренуге деген талпыныстары көңілді қуантты.
ПІКІРЛЕР