26.12.2020 195

Х.Досмұхамедов атындағы Атырау университеті Экономика және құқық факультетінде 2020 жылдың 24-желтоқсан күні факультет ұжымына арналған Жаңажылдық құттықтау сағаты болып өтті. Шара барасында факультет деканы экономика ғылымдарының кандидаты, қауымдастырылған профессор м.а. Адиетова Эльмира Мизамгалиевна факультеттің жыл бойына атқарылған оқу-әдістемелік, ғылыми, тәрбие жұмыстарына тоқталып, жетістіктері мен алдағы міндеттері туралы айтып өтті. Пандемия жағдайына қарамастан еңбек еткен факультет ұжымына ризашылығын білдірді. Факультет деканы Жаңажылдық құттықтау сағатында университет ректоры-басқарма төрағасы Идрисов Саламат Нұрмұханұлымен біріге отырып, 2020-2021 оқу жылындағы ерекше жетістігі, ел ертеңі жас ұрпаққа сапалы білім, саналы тәрбие беру жолында аянбай еңбек етіп, жаңартылған білім мазмұны бойынша білім алушыларды жоғары деңгейде дайындағаны үшін Қылмыстық-құқықтық пәндер кафедрасын «Өндіріс орындарымен байланыста CREATIVE жаңашыл», Экономика кафедрасын «Ғылымға VIP адалдық», Қаржы және несие кафедрасын «Әдістемелік жұмыста PREMIUM даналық»,  Менеджмент кафедрасын «Кәсіби қызметіне ELITE адалдық», Азаматтық-құқықтық пәндер кафедрасын «COURSERA мен медиада 100% адалдық» Алғыс хаттарымен марапаттады. Сонымен қатар Азаматтық-құқықтық пәндер кафедрасының аға оқытушысы, т.ғ.к. Нысанова С.Қ. Қазақстан Республикасы Білім және ғылым министрлігінің Құрмет грамотасымен, Қаржы және есеп кафедрасының меңгерушісі м.а., магистр Дарискалиева М.С. Қазақстан Республикасы Білім және ғылым министрлігінің Алғыс хатымен марапатталуымен құттықтап, ғылыми еңбектеріне зор табыстар тіледі. Жаңа жылдық құттықтау бойынша Тіркеу кеңсесінің басшысы, заң ғылымдарының магистрі Куккузова Э.И., Менеджмент кафедрасының меңгерушісі, п.ғ.к. Уталиева Р.С., Экономика кафедрасының меңгерушісі э.ғ.к., қауымдастырылған профессор Сабирова Р.Қ., Қылмыстық-құқықтық пәндер кафедрасының қауымдастырылған профессоры, з.ғ.к., Шаяхметова Ж.Б., Экономика кафедрасының қауымдастырылған профессоры, а/ш.ғ.д., Дюсегалиев М.Ж. сөз алды.

Тізімге қайта оралу