Қонақ дәрісі өтті
7-желтоқсан күні Х.Досмұхамедов атындағы Атырау университеті Экономика және құқық факультетінде Қаржы және есеп кафедрасының магистрі Альдешова Самал Балгабаевнаның ұйымдастыруымен 5В050600 Экономика, 5В050700 Менеджмент, 5В051000 Мемлекеттік және жергілікті басқару мамандықтарының 3-курс студенттеріне Бухгалтерлік есеп пәнінен Міндеттемелер есебі тақырыбында Zoom платформасында онлайн түрде қонақ дәрісі болып өтті.
Бұл қашықтықтан ұйымдастырылған қонақ дәрісіне «Ақ бұлақ - Атырау» ЖШС-нің бас есепшісі, факультет түлегі Шахатова Рита Гайнуллаевна, Бухгалтерлік есеп, аудит және контроллинг білім бағдардамасының 1-курс магистранттары Нисимбаев Нурсултан, Бергенов Білімғали шақырылған болатын.
Аға оқытушы Альдешова С.Б. Міндеттемелер есебін жалпы қарастырып өтсе, Рита Гайнуллаевна қызметкерлермен еңбек ақы бойынша есеп айырысулар есебіне, бюджетпен салықтар бойынша есеп айырысулар есебіне тоқталса, 1-курс магистранттары жабдықтаушылар мен мердігерлермен есеп айырысулар есебіне, қарыздар есебіне тоқталды.
Сонымен қатар бухгалтерлік есептің шоттар жоспарын, шоттар корреспонденцияларын, 1С.Бухгалтерия 8.3 компьютерлік бағдарламасының жұмыс жасау тәртібін қарастырып өтті. Сонымен қатар білім алушыларға арнайы түрде тақырып бойынша дайындалған презентация ұсынылды.
1-курс магистранттары оқу жоспарының кестесіне сәйкес 2020 жылдың 16-қараша-12 желтоқсан аралығында педагогикалық практикадан өтулеріне байланысты, тәлімгер оқытушы ретінде экономика ғылымдарының магистрі Альдешова С.Б. бекітілген болатын.
Педагогикалық практика барысында магистранттар оқытушының дәріс және семинар сабақтарына қатынасып, пәннің оқу-әдістемелік кешендерімен танысып, сабақтың жүру барысы мен студенттерде тақырыпты жеткізу барысындағы тәжірибесімен бөлісті. Сабақ барысында Рита Гайнуллаевна, магистранттар білім алушылардың қойған сұрақтарына жауап берді.
ПІКІРЛЕР