Мемлекеттік басқару және мемлекеттік қызмет пәнінен «Мемлекеттік қызмет мемлекеттік басқарудың құқықтық институты ретінде» тақырыбындағы қонақ дәрісі
2020 жылдың 21 ақпанында сағат 10.30-да «Менеджмент» кафедрасында 5В051000–Мемлекеттік және жергілікті басқару мамандығының 3 курс студенттеріне пәні бойынша қонақ дәрісі өткізілді. Дәрісті жүргізген Атырау облысының әкім аппараты ұйымдастыру-инспекторлық бөлімінің бас инспекторы Шмалиев Ермек Серікұлы.
Дәріс барысында Қазақстан Республикасының мемлекеттік қызметшілерінің мемлекеттік қызметке кіруі мен өтуі, жауаптылығы, мемлекеттік қызметшілердің құқықтық жағдайы, мемлекттік басқарудың функциялары мен қағидалары, іскери қарым-қатынас және көпшілік алдында сөйлеу, келіссөздер, кездесулер жүргізу, іскерлік хат алмасу және электрондық байланыстарды жүргізу мүмкіндігін, мемлекеттік және жергілікті қызметтердің имиджін қалыптастыру туралы өте жақсы айтылды. Студенттер дәріс барысында мемлекеттік қызметке өту барысындағы тапсырылатын тесттер мен мемлекеттік қызметшінің мансаптық өрлеу барысы туралы сұрақтар қойып, толықтай жауаптарын алған болатын.Менеджмент кафедрасында оқу процесіне өндірістен тәжірибелі мамандарды шақырту арқылы практикаға бағытталған дәрістер жоспарланған және жүйелі түрде жүргізіліп келеді.
ПІКІРЛЕР