Жыр алыбына арналған онлайн шара

  15 сәуірде университетімізде "Экономика және құқық" факультеті, "Қылмыстық-құқықтық пәндер" кафедрасы ұйымдастыруымен Жамбыл Жабаев атамыздың 175 жылдық мерейтойына орай атамыздың шөбересі Жамбыл Бұланмен «Жамбыл мұрасы» атты онлайн кездесу өтті. Шараға факультет студенттері мен оқытушылар құрамы қатысты. Кездесуде Жасұлан Бұлан атамыздың біз білмейтін, естімеген тың деректерімен бөлісті. Жамбыл атамыздың жырларының шығу тарихына, өмірінің соңғы жылдарындағы қиын-қыстау кезеңдеріне және көпке мәлім емес имандылық тұстарына тоқталды.
     Жамбыл Бұлан өзінің де шығармашылығымен таныстырып, анасына арналған өлең жолдарымен әсерге бөледі. Қатысушылар тарапынан бірнеше сұрақтар мен тілектер айтылды. Кездесу 2 сағаттан астам уақытқа созылды. Шара соңы Бұлан мырзаға кафедра ұжымының арнаған тілектермен аяқталды.

Тізімге қайта оралу