Мұражай

Мұражай

Х. Досмұхамедов атындағы Атырау мемлекеттік университетінің мұражайы екі бөлімнен тұрады:

  • Университет тарихы мұражайы
  • Археология мұражайы

Мұражайдың мақсаты - студент жастарды университеттің тарихымен, ғалымдарымен, танымал қайраткерлерімен таныстыру, патриоттық және идеялық-рухани тәрбиелеу жұмыстарын ұйымдастыру, Алаш қайраткері, ұстаз, ғалым Халел Досмұхамедов туралы кеңінен насихаттау;

- Батыс Қазақстан территориясындағы құрылыс жұмыстары мен табиғи-экологиялық әрекеттердің әсеріне байланысты (қала тұрғызу, су жүргізу, жер шаруашылығы, құрылыстар салу, мелиоративтік жұмыстар және басқа) бүліншілікке ұшыраған немесе жойылып кету қаупі бар археологиялық мұралардың обьектілерін анықтау, зерттеу, есепке алу, сақтау және насихаттауға байланысты ғылыми-өндірістік қызмет атқару;

- магистранттар мен студенттерді археологиялық қазба жұмыстарына тарту және олардың бойында ғылыми-зерттеу жұмыстарын жүргізу қабілеттерін қалыптастыру;

Университет тарихы мұражайы 2001 жылы құрылған.

Мұражайда университеттің қалыптасу тарихы мен дамуы туралы сыр шертетін экспонаттар орналастырылған. Университеттің көшбасында тұрған, оқу орнының негізін қалаған Темірғалиев Құспан Еспендіұлына арналған экспозиция, көрнекті ғалымдардың фото-суреттері мен еңбектері де тарихтан сыр шертеді. Залға қойылған тарихи жәдігерлер мен фотодеректердің жиынтығы қор бөліміндегі деректермен  қоса алғанда 1500-ден аса  жәдігер болады. Алаш қайраткері, ұстаз, ғалым  Х.Досмұхамедовтың өмірі мен шығармашылығына арналған экспозиция мұражай төрінен ерекше орын алған.
Сонымен бірге, университет тарихы мұражайынан, осы оқу ордасынан білім алған немесе университетте еңбек етіп кейін еліміздің өркендеуіне, әл-ауқатының дамуына өзіндік үлес қосқан тұлғалар жайында, түлектері,  профессор-оқытушылар және университеттің қазіргі тыныс-тіршілігі жөнінде  мағлұматтар алуға болады.

Мұражайда университеттің даму сатыларына байланысты мынадай экспозицияларға бөлінген.

  1. Гурьев мұғалімдер институты
  2. Гурьев педагогикалық институты
  3. Атырау педагогикалық институы
  4. Х.Досмұхамедов атындағы Атырау педагогикалық институты
  5. Х.Досмұхамедов атындағы Атырау мемлекеттік университеті
  6. Ректорлар шежіресі
  7. Құрметті профессорлар
  8. Ғылым докторлары
  9. Біздің түлектер – біздің мақтанымыз
  10. Мәдениет – адамзат әлемінің айнасы
  11. Спорт – өмір көркі

Археология мұражайы

2005 жылы 12-желтоқсанда Атырау мемлекеттік университетінің 55 жылдық мерейтойымен орайластырылып, «Мәдени мұра» мемлекеттік бағдарламасын жүзеге асыру мақсатында ашылды. Мұражай қорында бор кезеңінде мекендеген жануарлардың скелеттері мен минералдар, неолит заманының еңбек құралдары, б.з.д 3 ғасырдағы сармат әйелінің алтын әшекей бұйымдары, қола дәуірінің ескерткіштері, ортағасырлық Сарайшық, Ақтөбе-Лаэти қалаларының құнды деректері, қазақ халқының этнографиясына қатысты құжаттар мен жәдігерлер жинақталған. Мұражайда қор бөлімін қосып алғанда 1500 жәдігер жинақталған. Археология мұражайындағы тарихи жәдігерлер төмендегіше топтарға бөлініп таныстырылады.

  1. Бор кезеңі
  2. Неолит кезеңі
  3. Сармат кезеңіндегі археологиялық ескерткіштер
  4. Ортағасырлық Сарайшық және Ақтөбе-Лаэти қалалары

Байғалиева Айзада Жексенғалиқызы

Директор

8 702 842 78 72
a.baigalieva@asu.edu.kz