МАМРАЕВ БЕЙБІТ БАЙМАҒАМБЕТҰЛЫ

Х.Досмұхамедов атындағы Атырау мемлекеттік университетінің ректоры

Филология ғылымдарының докторы, профессор, Еуразия халықаралық экономикалық академиясының толық мүшесі.

Кәсіби қызметі Қазақстанның білім және ғылым жүйесімен, мемлекеттік әлеуметтік саясатты жүзеге асырумен байланысты. Қарағанды және Алматы қалаларының жоғары оқу орындарында оқытушы болып жұмыс жасады.  Қазақстан Республикасы Ұлттық ғылым академиясында, М.О.Әуезов атындағы Әдебиет және өнер институтында басшы қызметтерді атқарды.

Әл-Фараби атындағы КазҰУ профессоры болды. Шетелдік университеттерде лекциялар оқыды. Мәдениет тарихы және компаративистика саласында танымал ғалым.

2000 жылы . Қазақстан Республикасы Президенті Әкімшілігіне білім және ғылым секторының меңгерушісі лауазымына жұмысқа шақырылды. Білім және ғылым, мәдениет («Мәдени мұра»), спорт және туризм, денсаулық сақтау, тұрғын үй құрылысын дамыту саласындағы мемлекеттік бағдарламалардың жасалуына тікелей қатысты. 

Бірнеше жыл дипломатиялық қызмет саласында болды. Ресей Федерациясындағы Қазақстан Республикасы Елшілігінің Кеңесші-Елшісі болып жұмыс жасады.  Дипломатиялық дәрежесі бар.

2006-2008 жж. Қазақстан Республикасы Президенті Әкімшілігінде мемлекеттік инспектор лауазымында өңірлердің дамуы мәселесімен айналысты.   

2008-2012 жж. С.Аманжолов атындағы Шығыс Қазақстан мемлекеттік университетін басқарды.

2012 жылғы ақпанннан - 2016 жылғы наурыз аралығында  Х.Досмұхамедов атындағы Атырау мемлекеттік университетінің ректоры қызметін атқарды.

Қазіргі таңда Қазақстан Республикасы Парламенті Мәжілісінің депутаты

Back to the list