Бірінші проректор - Оқу ісі жөніндегі проректор

Бірінші проректор - Оқу ісі жөніндегі проректор


Жарасова Гүлжан Сағидуллақызы 1973 жылы ҚызылОрда облысы Қазалы ауданында дүниеге келген.

1980 - 1990 жылдары Жаңа Қазалы поселкесіндегі Қ. Сәтбаев атындағы № 216 мектепте білім алып, күміс медальмен бітірген.

1990 - 1996 жылдары Алматы қаласында әл – Фараби атындағы Қазақ ұлттық университетінде тәлім алып, «Математика» мамандығы бойынша жоғары білікті маман дипломын алып шыққан.

1996 - 2015 жылдары Павлодар қаласындағы С.Торайғыров атындағы Павлодар мемлекеттік университетінде жұмыс жолын бастап, оқытушы, аға оқытушы, доцент, профессор, академиялық мәселелер департаментінің директоры, кафедра меңгерушісі қызметтерін атқарған.

2015 - 2016 жылдары Астана қаласында Л. Н. Гумилев атындағы Еуразия ұлттық университетінде академиялық мәселелер департаменті директорының орынбасары қызметінде болып, 2016 жылғы тамыз айынан бастап осы күнге дейін Атырау қаласында Х. Досмұхамедов атындағы Атырау мемлекеттік университетінің оқу ісі жөніндегі проректоры лауазымында еңбек етеді.

Гүлжан Сағидуллақызы білім беруді ақпараттандыру мамандығы бойынша педагогика ғылымдарының кандидаты, қауымдастырылған профессор. Ғылыми еңбек жолында 70-ке жуық еңбегі отандық, шетелдік басылымдарда жарияланған, оның ішінде 2 оқулығы, 3 оқу-әдістемелік құралы, 11 зияткершілік меншік туралы куәлік бар.

«Программистке арналған логикалық есептеулер» (2011 жыл), «Программистің логикалық мәдениеті» (2013 жыл), «Предикаттық программалау және программалау верификациясының замануи тәсілдері» (2013 жыл) атты авторлық курстары Қазақстан Республикасының біршама жоғары оқу орындарының білім бағдарламаларына ендірілген.

Елеулі ғылыми нәтижелері: «Логикалық мәдениеттің әдістемелік негіздері» (2009 жыл), «Жоғары математикалық білімнің генетикалық алғышарттары» (2013 жыл), «Алгебралық – логикалық пәндердегі логикалық есептеулердің формальды тілдерінің семантикасы» (2013 жыл), «Жоғары оқу орнындағы күшейтілген оқыту» (2014 жыл), «Жоғары білім берудегі PBL – әдіснамасы» (2016 жыл), «Ынталы аралас оқыту BLI – әдіснамасы» (2017 жыл).

ПІКІРЛЕР

Тізімге қайта оралу