«Хисмет Бозанұлы Табылдиев: өмірі және ғылыми мұрасы» атты оқу құралы жарық көрді
Х.Досмұхамедов атындағы Атырау университетінде «Хисмет Бозанұлы Табылдиев: өмірі, ғылыми жолы және өлке тарихының өзекті мәселелері» тақырыбындағы дөңгелек үстел өтті.
Басқосуға университеттің Басқарма төрағасы-ректор Саламат Идрисов құттықтау сөз сөйледі.
«Хисмет Бозанұлы саналы ғұмырын университетт дамытуға арнаған ардақты ғалым. Оның өмірі мен ғибаратты істерін жастаға өнеге. Жаңадан жарық көрген еңбек оның көзін көрген, тәлім-тәрбиесін алған азаматтардың жазған ғұмырнамалық зерттеуі деп білемін», - деді С.Идрисов.
Жиында «Хисмет Бозанұлы Табылдиев: өмірі және ғылыми мұрасы» деп аталатын жаңа оқу құралының тұсауы кесілді. Оқу құралы Жаңа Қазақстан жағдайындағы тұлғалар тарихын кешенді зерттеуге және насихаттауға арналған.
Мол архив деректері мен соны зерттеулер негізінде жазылған еңбекте Қазақстан тарих ғылымы мен жоғары мектебі үшін көп еңбек сіңірген Табылдиев Хисмет Бозанұлының өмір жолы мен тарихи еңбектері қарастырылады. Оқу құралы магистранттарға, студенттерге және орта мектеп пен колледж оқушыларына,барша өлке тарихына қызығатын оқырмандарға арналған.
Дөңгелек үстелге университет ғалымдары Қадір Жүсіп, Жамиға Таңатарова, Бақытбек Таубаев, Асхат Иманғалиев, Шахман Нағымов, Амангелді Шамғонов, Лесбек Бердіғожин қатысып, өз пікірлерін білдірді. Іс-шараны Х.Табылдиев атындағы ҒЗИ ұйымдастарды.
ПІКІРЛЕР