1 курс студенттеріне арналған бейімдеу апталығы қарқынды түрде жалғасуда
Х.Досмұхамедов атындағы Атырау университетінде 1 курс студенттеріне арналған бейімдеу апталығы қарқынды түрде жалғасуда.
Осы апталық барысында Құқықтану мамандығының 1 курс студенттеріне ҚР Бас прокуратурасының Құқықтық статистика және арнайы есепке алу жөніндегі Комитетінің Атырау облысы бойынша Департаменттің Қылмыстық саладағы құқықтық ақпаратты қалыптастыру бөлімінің прокуроры, 3-сыныпты заңгер Асқар Бауыржанұлы арнайы келіп, өзінің жұмыс барысындағы тәжірбиесімен бөлісті.
Дәрісте прокурор прокуратура органдарындағы жұмыс ерекшеліктерін, прокурор лауазымына үміткерлерге қойылатын талаптар мен құқық қорғау органы қызметкерінің бойынан табылуы тиіс қасиеттерді атап өтіп, студенттерге түсінікті болу үшін мысалдармен түсіндіруге тырысты. Сонымен қатар, студенттерге тәртіпті түрде білімге деген құштарлықты арттырып, оқуда озат болыңыздар деп тілек білдірді.
Іс-шара соңында студенттер қойған сұрақтарына жауаптарын алып, прокуратура қызметкеріне осы мамандықтың қыр-сырын жетік түсіндіріп, қызығушылықтарын арттырғаны үшін алғыстарын білдірді.
ПІКІРЛЕР