Білім беру гранты конкурсының бесінші күні
Бүгін мемлекеттік білім беру гранты конкурсының бесінші күні
Х.Досмұхамедов атындағы Атырау университетіне конкурсқа құжат тапсырудың төртінші күні 407 талапкер, қабылдау басталған күннен бүгінгі күнге дейін 1300 ге жуық талапкер өтініш білдірген.
Университет қызметкерлері мен волонтер студенттер және қабылдау комиссиясы талапкерлердің санының көп болуына қарамастан тез әрі тиянақты түрде құжаттарды қабылдап, қарқынды түрде жұмыс атқаруда.
Асхат Ералыұлы, Академиялық мәселелер жөніндегі проректор:
-Бүгін құжат қабылдаудың бесінші күні. 2000 ға жуық талапкер білім гранты конкурсына қатысуға өтініш білдірді. Қабылдау комиссиясы талапкерлерге кеңес беріп, түскі үзіліссіз, демалыссыз қарқынды түрде жұмыс жасауда. Биыл елімізде орын алған төтенше жағдайға байланысты бөлінген гранттың 20 пайызы Атырау облысына бөлініп отыр. Бұл Атырау облысының талапкерлері үшін үлкен мүмкіндік.
Халқы тығыз орналасқан, батыс әрі жаңадан құрылған өңірлерден жастарды оқыту үшін 5 000 нысаналы грант бөлінді, оның ішінде Атырау облысынан келгендер үшін педагогикалық ғылымдар, математика және статистика, жаратылыстану ғылымдары, ақпараттық-коммуникациялық технологиялар, инженерлік, өңдеу және құрылыс салалары бойынша 1 500 грант бөлінді. Осы нысаналы грант негізінде Х.Досмұхамедов атындағы Атырау университетіне Алматы, Батыс Қазақстан, Өскемен, Семей, Тараз, Қарағанды өңірлерінен университет қызметкерлері келіп, ата-аналар мен талапкерлерге жоғары оқу орындарының мүмкіндіктері туралы толық ақпарат беріп, түсіндірме жұмыстарын жүргізуде.
Әлібек Батырбек, Қарағанды индустриалдық университетінің оқытушысы:
-Биыл үшінші жыл қатарынан Атырау облысына келіп отырмыз. Қарағанды индустриалды университетінің негізгі бағыты техникалық бағытта мамандар даярлайды. Университетімізге барлығы 50 грант бөлініп отыр. Біздің басты мақсатымыз осы бөлінген грантты игеріп, Атырау жастарын оқуға шақыру.
ПІКІРЛЕР