- Басты бет
- МЕДИА-РЕСУРСТАР
- Жаңалықтар
- Бүгінгі студент- болашақ маман
Бүгінгі студент- болашақ маман

Бүгін Атырау университетінде Мемлекеттік кірістер департаментінің 10 жылдығына орай студенттермен кездесу өтті. Басқосуға Мемлекеттік кірістер департаментінің ардагерлері, профессор-оқытушылар мен студенттер қатысты.
Іс-шараның басты мақсаты кеден және салық саласында атқарылатын жұмыстар, құқықтық түсінік туралы студенттерге түсіндіру. Сондай-ақ Мемлекеттік кірістер департаменті мен университет арасындағы меморандум арқылы студенттердің университетте алған теориялық білімдерін одан әрі тереңдетіп, департаменттен тәжірибеден өткізудің алдын-алу.
«Жастар ел бірлігін ойлайтын, өз Отанын қорғайтын өркениет өсіретін, аға-апаларымыздың ісін ары қарай жалғастыратын болашақ азаматтар. Ертеңгі күннің құрығын қолға алған жастардан күтер үмітіміз зор. Студенттерге ел экономикасының өсуі мен өркендеуі жолында атқарар істеріңізге сәттілік, ел-жұртына көмектесетін жастар болу өсулеріңізге тілектестік білдіремін»,- деді Атырау облысы бойынша Мемлекеттік кірістер департаментінің ардагері Роза Жолдыбайқызы.
Жиынға қатысқан Атырау университетінің экономика және құқық факультетінің деканы Райхан Сағытжанқызы мұндай іс-шарада жастардың мемлекеттік кірістер туралы түсініктерін кеңейту ел экономикасына үлес қосу үшін аса маңызды екенін тілге тиек етіп, баршы ұйымдастырушылар мен ардагерлерге өз алғысын жеткізді.
ПІКІРЛЕР