- Басты бет
- МЕДИА-РЕСУРСТАР
- Жаңалықтар
- MACHINE LEARNING ИНЖЕНЕРІ ОРАЛХАН ӘСЕТҰЛЫ АТЫНДАҒЫ СТИПЕНДИЯ ТАБЫСТАЛДЫ
MACHINE LEARNING ИНЖЕНЕРІ ОРАЛХАН ӘСЕТҰЛЫ АТЫНДАҒЫ СТИПЕНДИЯ ТАБЫСТАЛДЫ

Стипендия Х.Досмұхамедов атындағы Атырау университеті Ғылыми кеңесінің қорытынды жиынында берілді. Марқұмның анасы Айгүл Куанышева бұл бастама алдағы уақытта дәстүрге айналатынын жеткізді. Дарынды маманның ізбасаларларын ынталандыруды мақсат еткен ізгі іске Басқарма төрағасы-ректор Саламат Идрисов алғысын білдірді.
Оралхан Әсетұлы - Атырау қаласындағы Ж.Қаражігітов атындағы мектептің түлегі. Талапшыл жас 2018 жылы Қазақ-Британ техникалық университетіне мемлекеттік грантпен оқуға түсіп, оқу орынын үздік аяқтаған. Ол қазақ тілінің ең үлкен сөйлеу корпусын жинаумен айналысқан. Маман 10 000 сағаттан астам сөз жинап, қазақ тілін цифрландыру, яғни қазақша сөйлеуді, қазақ-орыс аралас сөйлеуді тану жүйесін, сөйлеу синтезін (қазақ, орыс тілдері) жасауды іске асырды. Machine Learning инженері 2022 жылы кенеттен дүниеден өтті.
Жасампаз азамат қажырлы еңбегінің нәтижесінде 10 000 сағаттық аудиоға құрылған қазақ тілін транскрипциялауға арналған нейрондық желіні әзірледі. Осылайша, бұл модель мессенджерлердегі аудиожазбалардан мәтінді қабылдау, диктофонға жазылған аудиодан жиналыс хаттамаларын алу, банктерге роботты жауап беру аппараттарын енгізу тапсырмаларын орындай алды. Бұл ІТ саласында үздік жетістік.
Шәкіртақы аққан жұлдыздай жарық ете қалған жанның өнегелі де өрелі ісін дәріптеу мен оның ізін жалғастыратын болашақ ІТ саласының үздік мамандар дарярлауға қолдау білдіру мақсатында отбасының ұсынысымен тағайындалып отыр. Machine Learning инженері Оралхан Әсетұлы атындағы алғашқы стипендияны оның анасы Айгүл Қалиярбекқызы Физика, математика және ақпараттық технологиялар факультетінің «Бизнес аналитика және ІТ жоболарды басқару» білім бағдарламасының студенті Шабхат Бақытовқа өз қолымен табыстады.
Ұқсас материалдар
Жас ғалымдар кеңесінің кезекті отырысы өтті
17 Фев 2025
83
14 ақпан – Дүниежүзілік кітап сыйлау күні
14 Фев 2025
294
Атырау университетінің LibAU электронды кітапханасы іске қосылды
14 Фев 2025
336
Шетелдік студенттермен кездесу өтті
12 Фев 2025
445
ПІКІРЛЕР