Шетелдік ғалымдарды қысқа мерзімді негізде шақыру тәртібі:

    Шетелдік ғалымның шақыруымен іс-шараларды жүзеге асыру Ғылым және халықаралық байланыстар жөніндегі проректор арқылы жүзеге асырылады.
   «Қазақстанның жетекші жоғары оқу орындарына шетелдік ғалымдар мен консультанттарды тарту» бағдарламасын іске асыру үшін Қазақстан Республикасының Үкіметі конкурстық негізде шетелдік ғалымды шақыру құқығына қабылдаушы университетке қаражат бөледі. Қаржыландыруды алғаннан кейін ғана университеттің кафедрасы немесе бөлімшесі келесі құжаттарды ұсына алады:

1. Шетелдік маманды шетелдік ғалым ретінде шақыруға ұсыныс-негіздеме. Бөлімше шақыру қажеттілігі мен оның қаржылық мүмкіндіктерін штаттық кесте немесе шығындар сметасы шеңберінде өтінімге және шығындар сметасына қол қоятын Халықаралық әріптестік және интернационалдандыру бөлімі және қаржы бөлімімен алдын-ала келісуге міндетті.
2. Университеттің кафедрасы немесе басқа бөлімшесі шетелдік мамандарға келу шарттары туралы хабарлауға міндетті:

- ғалымдар QS рейтингі бойынша әлемнің ең үздік 500 университетінен болуы керек;
- болу мерзімі 14 күн (12 жұмыс күні).

    3. Ректор немесе жетекшілік ететін проректор шетелдік маманды жеке хатпен шақырады.
    4. Халықаралық әріптестік және интернационалдандыру бөлімі шетелдік мамандарға 3 айға дейінгі мерзімге қарапайым іскерлік немесе жұмыс визасын алуға шақыру береді.
    5. Шетелдік маманды шақыру үшін мүдделі бөлімше Халықаралық әріптестік және интернационалдандыру бөліміне тиісті тәртіпте:
    а) толтырылған ішкі өтініш формасы,
    б) паспорттың оқылатын (аударма) көшірмесі.
    в) PhD/ғылым докторы/ғылым кандидаты дипломының көшірмесі;
    в) шақырылған маманның түйіндемесі;
    г) осы шетел азаматының Университеттің шақыруы бойынша Қазақстан Республикасының аумағына келу қажеттілігінің жазбаша негіздемесі (қызметтік хат негізінде).

   6. Шетелдік маманды шақыру үшін барлық құжаттар Халықаралық әріптестік және интернационалдандыру бөлімімен келісе отыра рәсімделеді.