УНИВЕРСИТЕТ ТАРИХЫ МУЗЕЙІ

• Х.Досмұхамедов атындағы Атырау университеті музейінің мақсаты - студент жастарды білім ордасының даму тарихымен, ғалымдарымен, танымал қайраткерлері және түлектерімен таныстыру, жастармен идеялық-рухани, патриоттық тәрбие жұмыстарын ұйымдастыру. Алаш қайраткері, ұстаз, ғалым Халел Досмұхамедов туралы кеңінен насихаттау.
• Ақпараттық дерек көзі ретінде, жәдігерлердің мәдени - тарихи құндылықтарын зерттеу бағыттары:

а)музей құндылықтарына жататын жәдігерлерді анықтау;

б)музей жәдігерлеріне байланысты ғылыми анықтамалық жұмыстарды жандандыру;

в)жәдігерлер мен қосымша қорлардың сақтау режимін және қайта қалпына келтіру жолдарын қадағалау;

г)музейдің тәрбиелік, білімдік міндеттерін жүзеге асыру жұмыстарын жүйелеу.

Музейдің қоғамдық, мемлекеттік институт ретіндегі бағыты: а) музейдің ішкі ұйымдастыру жұмыстары; б) республикалық және жергілікті оқу орындарындағы музей қызметінің арнайы бағыттарымен танысу; в) музейдің алдағы жоспарларын талдау және бекітуге ұсыну.

Университет тарихы музейі 2001 жылы құрылған

Музейде университеттің қалыптасу тарихы мен дамуы 23 бөлімнен тұратын арнайы витринада орналастырылған. Онда университеттің 1950 жылы ашылған мұғалімдер институтынан бастап, институт, университет деңгейлеріне дейінгі даму сатылары, университеттің Құрметті профессорлары, байырғы оқытушы-профессорлары, ғылым-докторлары мен жас Phd докторлары, атақты түлектерінің фото-суреттері мен еңбектері тарихтан сыр шертеді. Сонымен қатар даму жолдарындағы қолданылған экспонаттар орналастырылған. Алаш қайраткері, ұстаз, ғалым Х.Досмұхамедовтың өмірі мен шығармашылығына арналған зал көрмесінде Х.Досмұхамедов атындағы «Алтын медаль» иегерлері, «Университет дамуына сіңірген еңбегі үшін» төсбелгі иегерлері, халелтанушылардың фотосуреттері, университеттің жастар тәрбиесіндегі мәдени-көпшілік, спорт-салауаттылық бағыттағы жеңістері мен жүлделері, қазіргі тыныс-тіршілігі жөнінде мағлұматтар қойылған. Залға және арнайы витринаға қойылған тарихи жәдігерлер мен фотодеректердің жиынтығының көшірмесі музей қоры бөлімінде сақталады. Бүгінде жүзге жуық жәдігер жинақталған.

Университеттің даму сатыларына байланысты музей экспозициялары төмендегідей бөлімдерден тұрады:

І БӨЛІМ

1. 1. Гурьев мемлекеттік мұғалімдер институты
2. 2. Гурьев мемлекеттік педагогикалық институты
3. 3. Білім ордасының байырғы профессор-оқытушылары
4. 4. Атырау педагогикалық институты
5. 5. Х.Досмұхамедов атындағы Атырау педагогикалық институты
6. 6. Х.Досмұхамедов атындағы Атырау мемлекеттік университеті
7. 7. «Х.Досмұхамедов атындағы Атырау университеті»КеАҚ
8. 8. Ректорлар шежіресі
9. 9. Құрметті профессорлар
10. 10. Ғылым докторлары
11. 11. Phd докторлары

ІІ БӨЛІМ

1. Алаш қайраткері, ұстаз, ғалым Х.Досмұхамедовтың өмірі мен шығармашылығы 

2. Халелтанушылар 

3. Х.Досмұхамедов атындағы «Алтын медаль» иегерлері 

4. «Университет дамуына сіңірген еңбегі үшін» төсбелгі иегерлері.

 5. Мәдениет – өмір айнасы, өнер қоймасы 

6. Спорт және салауатты өмір салты

Музей деректері университет дамуының үлкен мұрасын қалыптастыруға көмектеседі, мәдени құбылыс ретінде зерттеуге қатысты негізгі мәселелерді барынша толық қарастыруға мүмкіндік береді.