TRIGGER жобасы бойынша онлайн семинар

   2022 жылдың 16-18 ақпанында Халел Досмұхамедов атындағы Атырау университетінде «Орталық Азияда түлектердің жұмысқа орналасуына жағдай жасау арқылы студенттердің инновациялық тәсілдері мен кәсіпкерлік дағдыларын ілгерілету» TRIGGER жобасының қатысушылары арасында кездесу өтті.
   Бірінші күні Австриядан келген әріптестер Дитмар Пайер мен Йоханнес Ветцингер: «Университеттегі кәсіпкерлік білім беру схемасы» (2-пакет) көлемі, мерзімі және күтілетін нәтижелер бойынша презентация жасады. Баяндамашылар өткен жыл бойынша баяндама жасап, 2022 жылға арналған жоспарларды белгіледі.
    Семинардың екінші күнінің негізгі тақырыбы 2022-2023 оқу жылының екінші семестрінде әр университет ұсынған 5 курс болды. Спикерлер Ото Худек (Кошице қаласындағы техникалық университет) және Австриядан келген әріптестер болды, олар мысалдар арқылы университеттер ұсынатын курстарды талдады. Келесі аралық семинарлар 2022 жылдың сәуір және маусым айларында өтеді деп жоспарланған.