«Аймақтық «Маңсап және бизнес» Форумы»

      2024 жылдың 20 маусымында университетте TRIGGER жобасының аяқталуына орай «Орталық Азияда түлектердің жұмысқа орналасуына жағдай жасау арқылы студенттердің инновациялық тәсілдері мен кәсіпкерлік дағдыларын ынталандыру» атты Аймақтық «Мансап және бизнес» форумы өтті. Форум екі бөлімнен тұрды, оның біріншісінде ЖОО түлектеріне арналған бос орындар жәрмеңкесі, сонымен қатар тиімді түйіндеме жазу, жұмыс сұхбатынан өту және StartUp жобалары бойынша бизнес-идеяларды жүзеге асыру бойынша шеберлік сабақтары өтті. Форум одан әрі Мемлекеттік еңбек инспекциясы жөніндегі департаменті, кәсіпкерлік және өнеркәсіп басқармасы, Атырау облысы Кәсіпкерлер палатасы басшыларының, сондай-ақ ұйымдар мен компаниялардың – жұмыс берушілер өкілдерінің, университеттің Мансап және жұмыспен қамту басқармасының және TRIGGER жоба командасының мүшелері қатысуымен жалғасты. Форумда заманауи жағдайда ЖОО түлектерін тиімді жұмысқа орналастыру, еңбек нарығындағы ЖОО-мен әлеуметтік серіктестік, білім берудегі қазіргі тенденциялар және ЖОО түлектерін тиімді жұмысқа орналастыру және бизнес құру мақсатында құзыреттерді дамыту мәселелері талқыланды.