TRIGGER жобасы бойынша оқыту семинары

      2022 жылдың 15-16 қыркүйегінде Халел Досмұхамедов атындағы Атырау университетінде түлектерді жұмысқа орналастыруға жәрдемдесу және Атырау университетінің қызметкерлері үшін жоғары оқу орындары мен жұмыс берушілер арасында ынтымақтастық құру саласында оқыту бойынша семинар өтті. Жоба қатысушылары (ғылым департаментінің директоры, э.ғ.к. А.М.Бакирбекова; ASU Innovation жобалық кеңсесінің жетекшісі Ш.С.Бисалиева, академиялық мәселелер жөніндегі вице-проректор, э.ғ.к. Қ.М.Өтепқалиева; экономика және құқық факультетінің деканы, э.ғ.к. Э.М.Адиетова; «Экономика» кафедрасының меңгерушісі, э.ғ.к. Р.Қ.Сабирова; «Қаржы және есеп» кафедрасының меңгерушісі, PhD З.Ж.Кенжеғалиева) TRIGGER жобасының негізгі идеяларын ілгерілету мақсатында Атырау университетінің білім алушыларды жұмысқа орналастыруға және мансапқа тікелей қатысатын қызметкерлері үшін оқыту семинарын ұйымдастырды. Семинардың бірінші күні таныстыру түрінде өтіп, онда жобаға қатысушылар жобаның жұмыс пакеттерінің мақсаты мен мазмұнын егжей-тегжейлі баяндап, білім алушылардың сұрақтарына жауап берілді. Семинардың екінші күні жоғары оқу орындары мен жұмыс берушілер арасында ынтымақтастық орнату және түлектерді жұмысқа орналастыруға жәрдемдесу міндеттерін шешу бойынша практикалық сабақ түрінде өткізілді.
     Екі күндік семинардың қорытындысы бойынша Атырау университетінің факультет декандарының орынбасарлары; практикаға жауапты кафедра оқытушылары; мансап және практика офисінің қызметкерлері түлектерді жұмысқа орналастыруға жәрдемдесу және жоғары оқу орындары мен жұмыс берушілер арасында ынтымақтастық құру саласында кәсіби дағдылар жетілдірді.