БІЗ ТУРАЛЫ
БІЗ ТУРАЛЫ
Еліміздің болашағы жарқын болу үшін, ең алдымен ұрпағымыз білімді, рухани деңгейі жоғары болуы қажет. Ол үшін адам көп оқып, кітап оқу мәдениетін сақталуы, көп ізденуі қажет. Қазақ халқы кітапты қасиетті, құдіретті деп қадірлеген. «Кітап-білім бұлағы, білім-өмір шырағы» деп кітапты жоғары бағалаған. Х.Досмұхамедов атындағы Атырау университетінің ғылыми кітапханасы да аталмыш оқу орнымен бірге жасап келе жатырған тарихының бір бөлігі деп саналады.
Оқырмандардың сұранысын қанағаттандыруда кітапханада алфавиттік және жүйелік каталог бар. Кітап қорын толықтыру және өңдеу бөлімінде ақпараттық-іздестіру жүйесі бойынша «КАБИС» бағдарламасымен жұмыс жүргізілуде. Сандық кітапхана жүйесін құру мақсатында барлық оқулықтар мен ғылыми еңбектер электронды нұсқаға көшіру жұмыстары жүргізілуде.
Университет кітапханасы Республикалық жоғары оқу аралық электронды кітапханасының (www.rmeb.kz) деректер базасы мен отандық «ALEM BOOK» электронды кітапханасының базасын пайдалану үшін келісім-шарт жасалды.
Біздің университетте мүмкіндігі шектеулі жастардың жоғары білім алуына жағдай жасалған. Зағип және нашар көретін студенттердің білім алу процесіне қолжетімділігін арттыру мақсатында оқу машинасы мен электрондық бейне-ұлғайтқыш сатып алынды. Бұл жабдық кітаптар мен құжаттарды немесе мақаланы бірнеше секунд ішінде сканерлеп, жоғары сапалы дауыспен оқу мүмкіндігіне ие.
2018-2019 оқу жылдары «Ұлттық аударма бюросы» қоғамдық қорынан «Жаңа гуманитарлық білім. Қазақ тіліндегі 100 жаңа оқулық» жобасы бойынша 17 атаумен 3469 кітап келіп түссе, 2019-2020 оқу жылдары 30 атаумен 4350 дана кітап келіп түссе, 2020-2021 оқу жылдары 53 атаумен 7035 дана кітап келіп түсті. Барлығы 100 атаумен қазақ тілінде гуманитарлық бағытында 14854 дана оқулықпен кітап қоры толықтырылды. Жаңадан түскен әдебиеттердің кітап көрмелері ұйымдастырылады.
Кітапхана қызметінің негізгі алға қойған міндеттері кітапханаға оқырмандарды тарту, кітап оқуға деген қызығушылығын арттыру, кітапхананың қорын жаңа әдебиеттермен толықтыру, атаулы күндерге мәдени көпшілік іс-шаралар өткізу, материалды-техникалық базасын нығайту.
